هــــه‌واڵ عــیراق
رووژنامه‌يگ: وه‌ناو.. تيمه‌يل كوشتنكار له‌ عراق ئه‌را كپه‌وكردن ئۆپۆزسيۆنه‌يل ئيران

رووژنامه‌يگ: وه‌ناو.. تيمه‌يل كوشتنكار له‌ عراق ئه‌را كپه‌وكردن ئۆپۆزسيۆنه‌يل ئيران


شه‌فه‌ق نيوز/ رووژنامه‌يگ باس له‌وه‌ كرد ئيران تيمه‌يل كوشتنكار له‌ عراق بڵاوه‌و كردگه‌ ئه‌را كپه‌وكردن ئۆپۆزسيۆنه‌يلێ له‌ وڵات هاوسا، يه‌يش جوور ئه‌وه‌گ وه‌رپرسه‌يل ئه‌منيى بريتانى ئاماژه‌ وه‌پى كردنه‌.

 

ئه‌و وه‌رپرسه‌يله‌ ئه‌را رووژنامه‌ێ ده‌يلى ته‌ليگراف وتنه‌: تيمه‌يل كوشتنكار له‌ عراق له‌بان فه‌رمان راسه‌وخۆ قاسم سلێمانى سه‌ركرده‌ى فه‌يله‌ق قودس سه‌ر وه‌ پاسه‌وان شۆڕش ئيرانى بڵاوه‌و بوينه‌ وه‌ ئامانج رخه‌وبردن ئۆپۆزسيۆنه‌يل ئه‌را نفوز ئيرانى له‌ عراق.

 

له‌ ديارترين قوربانيه‌يل ئه‌و تيمه‌يل كوشتنكار ئيرانيه‌ تائيسه‌ عادل شاكر ته‌ميمى بويه‌ ك ك متمانه‌ دا هاوپه‌يمانه‌يل حه‌يده‌ر عه‌بادى سه‌رۆك وه‌زيره‌يل وه‌رين عراق ك له‌بان ده‌س فه‌يله‌ق قودس له‌ ئه‌يلول گوزه‌يشته‌ كوشيا.

 

وه‌ل ئه‌وه‌يشا يه‌كيگ تر له‌ قوربانيه‌يل وه‌ده‌س تيمه‌يل كوشتنكار ئيرانى شه‌وقى حه‌داد بوێ ك هاوپه‌يمان نزيك له‌ مه‌قته‌دا سه‌در سه‌ركرده‌ى شيعه‌ى عراقى و ئۆپۆزسيۆن ده‌خاڵه‌تكاريه‌يل ئيرانى ك يه‌يش له‌ ته‌ممووز گوزه‌يشت كوشيا دوياى ئه‌وه‌گ تومه‌تبار ئيران وه‌ ساخته‌كارى له‌ هه‌ڵوژاردنه‌يل گشتى عراقى كرد.

 

جى باسه‌، رووژنامه‌گه‌ باس له‌ هه‌وڵ كوشتن رازى تائى كرد ك يه‌يش يه‌كيگه‌ له‌ راوێژكاره‌يل سه‌يد عه‌لى سيستانى مه‌رجه‌ع باڵاى ئايينى له‌ عراق له‌ ئاب گوزه‌يشت، ئه‌ويش دوياى ئه‌وه‌گ داوا له‌لى كريا واز له‌ باس وجوود ئيرانى بارێد له‌ناو حكومه‌ت تازه‌ى عراقى.