هــــه‌واڵ عــیراق
سائرون له‌باره‌ى هه‌ڵوژانن سه‌رۆك وه‌زيره‌يل تازه‌ قسه‌يگ تر كرد

سائرون له‌باره‌ى هه‌ڵوژانن سه‌رۆك وه‌زيره‌يل تازه‌ قسه‌يگ تر كرد


شه‌فه‌ق نيوز/ هاوپه‌يمانى سائرون ك له‌لايه‌ن موقته‌دا سه‌در سه‌ركرده‌ى ره‌وت سه‌دريه‌و پشتگيرى ئه‌كريه‌ێد، وت: گشت ئه‌و ناوه‌يله‌ ك خريانه‌سه‌ روێ له‌ هووكاره‌يل ره‌سانن ئه‌را وه‌رگرتن پۆست سه‌رۆك وه‌زيره‌يل راس نيه‌.

 

له‌ى باوه‌ته‌و، رائد فه‌همى سه‌ركرده‌ له‌ هاوپه‌يمانيه‌گه‌ ئه‌را شه‌فه‌ق نيوز وت: بڕيگ له‌ لايه‌نه‌يل سياسى و ره‌سانن دعايه‌ى كانديد كه‌سايه‌تيه‌يل ئه‌را سه‌رۆكايه‌تى وه‌زيره‌يل ئه‌كه‌ن وه‌ ناونيشان كانديد ريككه‌فتن و يه‌يش نادروسه‌ و هه‌رچى له‌ى باوه‌ته‌و بڵاو ئه‌كريه‌ێد راس نيه‌و هيزه‌يل سياسى تائيسه‌يش مه‌سه‌له‌ى ناوه‌يل كانديدكرياێ ئه‌را سه‌رۆكايه‌تى وه‌زيره‌يل تاووتوێ نه‌كردگه‌.

 

فه‌همى هه‌ميش وت: عه‌بادى ته‌نيا كانديده‌ ك ناوى ئاشكرا كريا وه‌شيوه‌يگ فه‌رمى جوور كانديد ئه‌را سه‌رۆكايه‌تى وه‌زيره‌يل له‌لايه‌ن ئئتلاف نه‌سر و گشت هاوپه‌يمانيه‌يل تر سياسى ناو هويچ كانديديگ وه‌شيوه‌ێ فه‌رمى ئاشكرا نه‌كردنه‌.