هــــه‌واڵ عــیراق
ته‌ياره‌خانه‌ێ نه‌جه‌ف ئاشكراى زياتر له‌ هه‌زار گه‌شت كرد له‌ ماوه‌ى دو هه‌فته‌

ته‌ياره‌خانه‌ێ نه‌جه‌ف ئاشكراى زياتر له‌ هه‌زار گه‌شت كرد له‌ ماوه‌ى دو هه‌فته‌


شه‌فه‌ق نيوز/ ئه‌نجومه‌ن ئداره‌ى ته‌ياره‌خانه‌ێ ناودوڵه‌تى نه‌جه‌ف، ئاشكراى زيايبوين شماره‌ى گه‌شته‌يل و گه‌شتكه‌ره‌يل كرد له‌ سه‌ره‌تاى ته‌شرين دويه‌م ئيسه‌وه‌.

 

له‌ى باوه‌ته‌و، فائد شه‌مه‌رى سه‌رۆك ئه‌نجومه‌ن ئداره‌ى ته‌ياره‌خانه‌گه‌ له‌ به‌ياننامه‌يگ وت: ته‌ياره‌خانه‌ێ نه‌جه‌ف زيايبوين وه‌رچه‌ويگ وه‌خوه‌يه‌و ديه‌ له‌ شماره‌ى گه‌شته‌يل و گه‌شته‌كه‌ره‌يليگ ك له‌ گشت وڵاته‌يل جه‌هان و ده‌وڵه‌ته‌يل عه‌ره‌بى و بيگانه‌ ئه‌يه‌ن وه‌ره‌و عراق.

 

شه‌مه‌رى وت: له‌ يه‌ك مانگ سه‌فه‌ر تائيسه‌ شماره‌ى گه‌شته‌يل هاتگ ره‌سيه‌سه‌ 1100 گه‌شت ك نزيكه‌ى 500 هه‌زار گه‌شتكه‌ر له‌گشت ره‌گه‌زنامه‌يل جياجيايگه‌و گرته‌سه‌ خوه‌ێ.