هــــه‌واڵ كــوردى
ئه‌مريكا داواى گفتگوو گورج له‌ناونى به‌غدا و هه‌ولێر ئه‌كا

ئه‌مريكا داواى گفتگوو گورج له‌ناونى به‌غدا و هه‌ولێر ئه‌كا


شه‌فه‌ق نيوز/ باڵوێز گشتى ئه‌مريكى له‌ هه‌رێم كوردستان، داواى گفتگوو گورجيگ كرد له‌ ناونى به‌غدا و هه‌ولێر له‌وه‌ر چاره‌سه‌ر كيشه‌يل و گرژى ناونى هه‌ردوگلا.

 

كين كرۆس له‌ كۆنگره‌يگ رووژنامه‌گه‌رى له‌ سلێمانى وت: ئيمه‌ دووس كورديم له‌ وه‌رجه‌ له‌شوون راپرسييش و په‌يوه‌نديمان جوور خوه‌ى مينێد و پشتگيرى له‌ حكومه‌ت هه‌رێم كوردستانيش ئه‌كه‌يم.

 

جى باسه‌، كرۆس هه‌ميش وت: پشتگيرى گفتگوو ناونى به‌غداو هه‌ولێر ئه‌كه‌يم ئه‌را چاره‌سه‌ر ناكووكيه‌يل و كيشه‌يل ناونيان و بايه‌سه‌ وه‌ زويترين وه‌ختيش ده‌س وه‌پى بكريه‌ێد.