هــــه‌واڵ كــوردى
بارزانى: ئه‌يه‌ ئامانجمانه‌ له‌ راپرسێ

بارزانى: ئه‌يه‌ ئامانجمانه‌ له‌ راپرسێ


شه‌فه‌ق نيوز/ مه‌سعود بارزانى سه‌رۆك هه‌رێم كوردستان له‌نوو جه‌خت له‌وه‌ كرد ك ئامانج له‌ راپرسێ هه‌رێم كوردستان، سه‌روه‌خوه‌يى هه‌رێمه‌ له‌ عراق.

 

بارزانى له‌ ديدارێ وه‌ل زانايه‌يل ئايينى له‌ هۆڵ سعه‌د عه‌بدوڵڵا له‌ شار هه‌ولێر وت: راپرسێ په‌يوه‌سه‌ نيه‌ وه‌ كه‌سيگ دياريكرياێ، به‌ڵكوو تايبه‌ته‌ وه‌ گشت حزب و ملله‌ت كورد وه‌ ته‌مامى و راپرسێ ئامانجيگ نيه‌، به‌ڵكوو وه‌سيله‌يگه‌ ئه‌را جيوه‌جيكردن سه‌روه‌خوه‌يى.

 

بارزانى ئاماژه‌ وه‌يه‌يش كرد ك مه‌بدئه‌يل شه‌راكه‌ت وه‌ل عراق هويچ وجووديگ نه‌يرێد و ئه‌را ئى باوه‌تيشه‌ باس له‌ سوپاێ عراقى كرد و وت: ئه‌وسا ريژه‌ێ كورد له‌ سوپاێ عراقى 40 له‌ سه‌د بويه‌، وه‌لێ ئه‌و ريژه‌ ئمڕوو كه‌مه‌و بويه‌و نه‌مه‌ندگه‌ جوور خوه‌ێ و ئاماژه‌ وه‌يه‌يش كرد ك نه‌بايه‌د قه‌بول وه‌ هه‌ڵويسته‌يل ئيسه‌ێ به‌غدا بكريه‌ێد.