هــــه‌واڵ عــیراق
مه‌دحه‌ت ئه‌لمه‌حمود وه‌بى فيزا ره‌سيه‌ ته‌ياره‌خانه‌ێ قاهيره‌!

مه‌دحه‌ت ئه‌لمه‌حمود وه‌بى فيزا ره‌سيه‌ ته‌ياره‌خانه‌ێ قاهيره‌!


شه‌فه‌ق نيوز/ سه‌رچه‌وه‌يل رووژنامه‌گه‌رى مسرى ئه‌وه‌ ده‌رخستن ك ده‌سڵاته‌يل ته‌ياره‌خانه‌ێ قاهيره‌ ڕى و چگنه‌ناو دادوه‌ر مه‌دحه‌ت ئه‌لمه‌حمود سه‌رۆك ئه‌نجومه‌ن دادگاى باڵا له‌ عراق دانه‌ بچێده‌ ناو وڵاته‌گه‌يان دوياى ره‌زامه‌نى خارجيه‌ له‌ به‌غداوه‌ وه‌ پاسه‌پۆرتيگ دبلۆماسى وه‌بى فيزا.

 

رووژنامه‌ى ئه‌لنداى مسرى وت: له‌وه‌خت له‌وه‌رگرتن ڕى وشوون دقه‌تكردن ناوه‌يل و پاسه‌پۆرته‌يل نه‌فه‌ره‌يل گه‌شت ئاسمانى عراقى شماره‌ 101 ك له‌ به‌غداوه‌ كه‌فتوێده‌ ڕى، ئه‌فسه‌ريگ له‌ پاسه‌پۆرت ئاشكراى ئه‌وه‌ كردگه‌ ك سه‌رۆك ئه‌نجومه‌ن دادگاى باڵاى عراق پاسه‌پۆرتيگ دبلۆماسى وه‌پى بويه‌ وه‌بى فيزاو  هه‌ر وه‌و خاتريشه‌ په‌يوه‌ندى كرده‌سه‌ ئه‌شره‌ف مونير جيگر ده‌سميه‌تده‌ر وه‌زير خارجيه‌ ئه‌را كاروبار پاسه‌پۆرت و ئه‌ويش عوزرخوازێ كردگه‌ له‌وه‌ر ئه‌وه‌گ وه‌خته‌گه‌ فريه‌ ته‌نگ بويه‌ ئه‌را فيزاو ئه‌لمه‌حموديش مه‌يل له‌ به‌شداريكردن دانيشتن يه‌كێتى دادگايه‌يل و ئه‌نجومه‌نه‌يل ده‌ستوورى عه‌ره‌بى داشتگه‌و نه‌ڕه‌سيه‌سه‌ ئه‌وه‌گ فيزا وه‌پى بدريه‌ێد.

 

جى باسه‌، رووژنامه‌ى ناوبرياگ له‌ زووان ئه‌فسه‌ر پاسه‌پۆرته‌گه‌ وت: له‌ وه‌رانوه‌ر ئه‌و كار هه‌ڵه‌په‌ڵه‌ وه‌زير خارجيه‌ ئه‌را كاروبار ڕى وڕه‌سمه‌يل رازێ بويه‌ له‌بان چگن ئه‌لمه‌حمود ئه‌را قاهيره‌ وه‌بى فيزاو ريڕه‌و مامڵه‌كردن هاوشيوه‌ى ئه‌راى جيوه‌جى كردنه‌ له‌بان ياساى 2010، ك ڕى وه‌ خاوه‌ن پاسه‌پۆرته‌يل دبلۆماسى و گرينگ و تايبه‌ت ئه‌ياد فيزاى هاتنه‌ناو له‌ باڵوێزخانه‌و سه‌فاره‌ته‌يل مسرى له‌ ده‌يشت وڵات وه‌ربگرن.