هــــه‌واڵ كــوردى
مسر گه‌شته‌يلى وه‌ره‌و كوردستان ده‌س وه‌پى ئه‌كا

مسر گه‌شته‌يلى وه‌ره‌و كوردستان ده‌س وه‌پى ئه‌كا


شه‌فه‌ق نيوز/ كومپانياى ته‌ياره‌وانى مسرى، له‌نوو ده‌س ئه‌كاده‌ وه‌كارخستن هێڵ كومپانيا له‌ قاهيره‌وه‌ ئه‌را ته‌ياره‌خانه‌ى هه‌ولێر له‌ هه‌رێم كوردستان وه‌ وه‌رده‌وامى 3 گه‌شت له‌ هه‌فته‌يگ له‌ دوشه‌ممه‌ و سێشه‌ممه‌ و جومعه‌.

 

سه‌رچه‌وه‌يليگ له‌ كومپانياگه‌ له‌ اێدوانه‌يليگ رووژنامه‌گه‌رى مسرى وتن: برياره‌ كومپانياگه‌ هه‌فتانه‌ سێ گه‌شتت وه‌ڕێ بخاد ئه‌را ته‌ياره‌خانه‌ى هه‌ولێر پايته‌خت هه‌رێم كوردستان وه‌و مه‌رجه‌ گه‌شت چواره‌ميش له‌ نيمه‌ى دويه‌م سپته‌مبه‌ر ئاينده‌ زياى بكا.

 

جى باسه‌، ته‌ياره‌وانى مسر له‌ سپته‌مبه‌ر گوزه‌يشت گه‌شته‌يلى ئه‌را هه‌ولێر وسان له‌وه‌ر پايه‌ندبوين وه‌ بريار حكومه‌ت عراقى له‌ئاكام راپرسى هه‌رێم له‌بان سه‌روه‌خوه‌يى له‌ عراق وه‌رجه‌ لاوردن گه‌مارۆ له‌ى دوياخره‌.