هــــه‌واڵ كــوردى
حكومه‌ت كوردستان هه‌ڵويست خوه‌ى له‌ روێداگه‌يل به‌سره‌ ده‌رخست

حكومه‌ت كوردستان هه‌ڵويست خوه‌ى له‌ روێداگه‌يل به‌سره‌ ده‌رخست


شه‌فه‌ق نيوز/ حكومه‌ت هه‌رێم كوردستان ئه‌وه‌ ده‌رخست و وت: جى داخه‌ ئه‌را ئى روێداگه‌يل دوياخره‌ ك روێدا له‌ پاريزگاى به‌سره‌و ئاشكراى يه‌يش كرد ك هه‌وڵ ده‌سميه‌ت ئه‌ياد وه‌ گووره‌ى توانا له‌ى باره‌وه‌.

 

سه‌فين دزه‌يى قسه‌كه‌ر وه‌ناو حكومه‌ت هه‌رێم ئه‌را شه‌فه‌ق نيوز وت: هاووڵاتيه‌يل له‌ به‌سره‌ هويچ گوناهيگ نه‌يرن داواى خزمه‌تگوزارى ئه‌كه‌ن و ئيمه‌يش هايم وه‌ليانا، وه‌لێ بايه‌سه‌ مامڵه‌ى ئاشتيانه‌ بدێ چ وه‌ل خوه‌ينيشانده‌ره‌يل يا وه‌ل هيزه‌يل ئه‌منى و هه‌ميش وت: جى داخه‌ كيشه‌ روێداو ره‌سيه‌ كوشتن.

 

دزه‌يى هه‌ميش وت: ئيمه‌ ئه‌زانيم حكومه‌ت ناوه‌ندى هه‌وڵ چاره‌سه‌ر قه‌يران خزمه‌تگوزاريه‌يل دا، وه‌لێ تايسه‌ نه‌ڕه‌سيه‌ چاره‌سه‌ر و ئوميد ئه‌وه‌يش خواست ئى قه‌يرانه‌ وه‌ى نزيكه‌يله‌ ته‌مام بدێ.