هــــه‌واڵ كــوردى
له‌ سلێمانى ته‌قه‌ له‌ باڵه‌خانه‌يگ حكومى كريا

له‌ سلێمانى ته‌قه‌ له‌ باڵه‌خانه‌يگ حكومى كريا


شه‌فه‌ق نيوز/ سه‌رچه‌وه‌يگ له‌ هيزه‌يل ئاسايش ئاشكراى ئه‌وه‌ كرد ك ته‌قه‌ له‌ باڵه‌خانه‌ى وه‌ڕيه‌وبه‌رايه‌تى دژ تون وتيژى ئافره‌ته‌يل كرياگه‌ له‌ شار سلێمانى.

 

ئه‌و سه‌رچه‌وه‌ ئه‌را شه‌فه‌ق نيوز وت: باڵه‌خانه‌ى وه‌ڕيه‌وبه‌رايه‌تيه‌گه‌ له‌ ناوچه‌ى تووى مه‌ليگ له‌ناوڕاس سلێمانى گرياسه‌ وه‌ر گوله‌و ته‌قه‌ى فريه‌يگ له‌لى كرياگه‌ له‌لايه‌ن چه‌كداره‌يليگ نه‌ناسرياگ.

 

سه‌رچه‌وه‌گه‌ هه‌ميش وت: له‌و رويداگه‌ هويچ زه‌ره‌ديگ گيانى نه‌كه‌فته‌سه‌و ته‌نيا هه‌ر زه‌ره‌د ماددى بويه‌ و سه‌ياره‌يگ له‌وه‌رده‌م باڵه‌خانه‌گه‌ زه‌ردمه‌ن بويه‌و باس له‌وه‌يش كرد ك په‌يجورى وه‌رده‌وامه‌ ئه‌را هووكار ئه‌و ته‌قه‌كردنه‌.