هونه‌ر
مەریەم دۆستی سينه‌ماى كوردى وه‌ پيشكه‌فتگ تاريف ئه‌كا

مەریەم دۆستی سينه‌ماى كوردى وه‌ پيشكه‌فتگ تاريف ئه‌كا


شه‌فه‌ق نيوز/ مه‌ريه‌م دۆستى ماوه‌ى فريه‌يگه‌ له‌ بوار سينه‌ما جوور دراوه‌ر سينه‌مايى و سينارێست كار ئه‌كاو بيجگه‌ ئه‌وه‌يش ك شاعير و نويسه‌ريشه‌، ك زانيارى خاسيگيش له‌باره‌ى سينه‌ماى كوردى ديرێد.

 

دۆستى له‌ باره‌ى سينه‌ماى كوردى ئويشێد: هيمان سينه‌ماى كوردى تازه‌سه‌و هه‌ر وه‌و خاتريشه‌ سينه‌ماكاره‌يل كورد ئه‌تويه‌نن فيشتر سوود له‌ ئه‌زموونه‌يل مه‌ردمان تر وه‌ربگرن و ده‌رفه‌تيگ هه‌ڵكه‌فێد سينه‌ماكاره‌يل ده‌يشت كوردستان سه‌ردان كوردستان بكه‌ن و له‌ نزيكه‌و ئاشناى كاره‌گه‌ بوون.

 

دۆستى ئويشێد: وجوود فيلم و سينه‌ماكاره‌يل كورد له‌ فيستيڤاڵه‌يل جه‌هانى فريه‌ گرينگه‌و ئيسه‌يش سينه‌ماى كوردى فريه‌ پيشكه‌فتگه‌و بايه‌سه‌ ده‌س له‌بان خاڵه‌يل گرينگ سينه‌ماى كوردى دابنريه‌ێد و ئه‌هيمه‌ت وه‌پى بدريه‌ێد ئه‌را ئه‌وه‌گ فيشتر پيشكه‌فتن وه‌خوه‌يه‌و بوينێد.