هــــه‌واڵ عــیراق
نه‌ته‌وه‌يل يه‌كگرتگ باس كووچكردن تازه‌ له‌ سێ ناوچه‌ێ تر عراق ئه‌كا

نه‌ته‌وه‌يل يه‌كگرتگ باس كووچكردن تازه‌ له‌ سێ ناوچه‌ێ تر عراق ئه‌كا


شه‌فه‌ق نيوز/ ليز غراندى ريكخه‌ر نه‌ته‌وه‌يل يه‌كگرتگ ئه‌را كاروبار ئنسانى له‌ عراق ئاشكراێ ئه‌وه‌ كرد ك سه‌دان هه‌زار كه‌س تر مه‌ده‌نى كووچ ئه‌كه‌ن له‌ ئاكام كرده‌وه‌يل تر تازه‌ێ سه‌ربازێ ك له‌ سێ ناوچه‌ێ تر ئه‌نجام ئه‌دريه‌ێد و هيمان تائيسه‌ هانه‌ ژير ده‌سڵات ريكخرياگ ترۆريستى داعش له‌  عراق.

 

غراندى له‌ كۆنگره‌يگ رووژنامه‌گه‌رێ له‌ نويسينگه‌ێ نه‌ته‌وه‌يل يه‌كگرتگ له‌ جنێف وت: دوياێ كرده‌وه‌يل سه‌ربازێ موسڵ چه‌وه‌ڕێ ئه‌كريه‌ێد سێ كرده‌وه‌ێ تر گه‌وراێ سه‌ربازێ له‌ هه‌ر يه‌ك له‌ ته‌لعه‌فه‌ر و حوێجه‌ و ئه‌نبار ئه‌نجام بگرێد و له‌ ئاكام ئه‌وه‌يش پيشبينى ئه‌كريه‌ێد سه‌دان هه‌زار كه‌س تر مه‌ده‌نى كووچ بكه‌ن له‌ ترس ئه‌و كرده‌وه‌يل سه‌ربازيه‌.

 

جى باسه‌، غراندى باس له‌وه‌يش كرد ك 955 هه‌زار كه‌س ناچار بوينه‌ ماڵه‌يليان بيلنه‌جى له‌ وه‌خت كرده‌وه‌يل سه‌ربازێ له‌ موسڵ و ئاماژه‌ وه‌يه‌يش كرد ك 710 هه‌زار له‌ليان هيمان كووچبه‌رن.