هــــه‌واڵ عــیراق
رافده‌ين له‌باره‌ى نويسينگه‌يل سلفه‌ وشدارى ئه‌ياده‌ كارمه‌نده‌يل ده‌وڵه‌ت

رافده‌ين له‌باره‌ى نويسينگه‌يل سلفه‌ وشدارى ئه‌ياده‌ كارمه‌نده‌يل ده‌وڵه‌ت


شه‌فه‌ق نيوز/ بانك رافده‌ين وشدارى دا خانه‌نشينه‌يل و كارمه‌نده‌يل له‌ ده‌زگايه‌يل ده‌وڵه‌ت له‌وانه‌گ مووچه‌يليان جيگير كرياگه‌ له‌لاى بانكه‌گه‌ له‌ مه‌سه‌له‌ى هاوكاريكردن وه‌ل بڕيگ له‌ نويسينگه‌يل له‌ مه‌سه‌له‌ێ كارت زيره‌ك ئه‌لكترۆنى.

 

نويسينگه‌ێ ره‌سانن بانكه‌گه‌ له‌ به‌ياننامه‌يگ ئه‌را شه‌فه‌ق نيوز وت: بڕيگ نويسينگه‌ى ده‌روازه‌ى كارت زيره‌ك هه‌ن له‌ به‌غداو پاريزگايه‌يل دعايه‌ێ ناوه‌يليان خوه‌يان ئه‌كه‌ن له‌رێ ماڵپه‌ڕه‌يل كۆمه‌ڵايه‌تى ئه‌را داين سلفه‌ وه‌ كارمه‌نده‌يل و خانه‌نشينه‌يل و ئستغلال ناو بانكه‌گه‌ ئه‌كه‌ن ئه‌را وه‌ڕيخستن مه‌عامله‌ى سلفه‌و قه‌رز وه‌رانوه‌ر وه‌رگرتن بڕيگ پويل.

 

جى باسه‌، بانك رافده‌ين وت: ئه‌و نويسينگه‌يله‌ رێ وشوون ده‌رهه‌قيان وه‌رگيريه‌ێد له‌لايه‌ن بانكه‌گه‌و داوايش له‌ كارمه‌نده‌يل و خانه‌نشينه‌يل كرد هاوكارى وه‌ل ئه‌و نويسينگه‌يله‌ نه‌كه‌ن و وه‌رگرتن سلفه‌ ته‌نيا له‌ڕێ لقه‌يل بانكه‌گه‌ ئه‌دێ له‌ عراق و له‌ڕێ ئه‌لكترۆنى.