ئابوورى
"ميترۆى به‌غدا" هه‌وه‌جه‌ وه‌ زياتر له‌ 4 مليار دۆلار ديرێد

"ميترۆى به‌غدا" هه‌وه‌جه‌ وه‌ زياتر له‌ 4 مليار دۆلار ديرێد


شه‌فه‌ق نيوز/ بانك رافده‌ين باس له‌وه‌ كرد له‌ى نزيكه‌يله‌ ته‌مويل شماره‌ى فريه‌يگ له‌ پرووژه‌يل وه‌به‌رهاوردن حزمه‌تگوزارێ ئه‌كريه‌ێد جوور ميترۆى به‌غدا ك نزيكه‌ى 5 تريليۆن دينار ئه‌راى ته‌رخان كرياگه‌ وه‌ل وه‌كارخستن شماره‌يگيش له‌ كارخانه‌يل سه‌ره‌كى له‌ گشت وڵاته‌گه‌ وه‌ هه‌ماهه‌نگى وه‌ل بانكه‌يل حكومى وه‌ سه‌رپه‌رشتى بانك ناوه‌ندى عراقى.

 

له‌و باوه‌ته‌و، خه‌وله‌ تاڵب ئه‌سه‌دى وه‌ڕيه‌وبه‌ر بانكه‌گه‌ له‌لێدوانيگ رووژنامه‌گه‌رێ وت: بانك ناوه‌ندى پرووژه‌يگ گرته‌سه‌ خوه‌ى ك نمايشه‌يليگ له‌لايه‌ن گشت لايه‌نه‌يل بانكى حكوميه‌و خريه‌ێده‌ روێ جوور بانگ رافده‌ين ئه‌را ته‌مويلكردن پرووژه‌يل گرنگ له‌ به‌غداو پاريزگايه‌يل و له‌وانه‌يش پرووژه‌ى ميترۆ به‌غدا و شه‌مه‌نده‌فه‌ره‌ موعه‌له‌قه‌گه‌ێ و وه‌كارخستن كارخانه‌يل چه‌مه‌نتوو و شيشه‌و بترۆكيمياويات وه‌ ئه‌وه‌گ هه‌ر بانكيگ له‌لاى خوه‌يه‌و ته‌مويل ئى پرووژه‌يله‌ بكا.

 

ئه‌سه‌دى باس له‌وه‌يش كرد بانكه‌گه‌ ته‌مويل پرووژه‌ى ميترۆى به‌غدا ئه‌كا له‌ڕێ بانك ناوه‌ندى و دوياخريش هه‌واڵه‌ى ئه‌را وه‌به‌رهاوه‌ره‌يل ئه‌كريه‌ێد و ئه‌و پويليشه‌ وه‌ قانجازه‌و ئه‌دريه‌ێده‌و، يه‌يش ده‌رخست ك خه‌رج پرووژه‌ى ميترۆ هه‌وه‌جه‌ وه‌ 5 تريليۆن دينار ديرێد.