هــــه‌واڵ عــیراق
توركيا ره‌خنه‌ له‌ كيشانه‌وه‌ى ئه‌مريكا له‌ عراق ئه‌گرێد

توركيا ره‌خنه‌ له‌ كيشانه‌وه‌ى ئه‌مريكا له‌ عراق ئه‌گرێد


شه‌فه‌ق نيوز/ مه‌ولود چاوش ئۆغلۆ وه‌زير خارجيه‌ى توركيا، باوه‌ڕى ئه‌وه‌سه‌ هووكار ئه‌و كيشه‌يله‌ ك ناوچه‌گه‌ وه‌پيه‌و ناڵنێد كيشاننه‌وه‌ى وڵاته‌يل يه‌كگرتگه‌ له‌ عراق و واشنتۆنيش وه‌ ئه‌وه‌ تومه‌تبار كرد عراق سپارده‌ ده‌س نورى مالكى سه‌رۆك وه‌زيره‌يل وه‌رين ئه‌را ئه‌وه‌گ سنيه‌يل دويره‌و بخه‌ێد و داعش ده‌ربكه‌فێد.

 

قسه‌ى ئۆغلۆ له‌وه‌خت ديدارى بوێ وه‌ل شماره‌يگ له‌ رووژنامه‌نويسه‌يل له‌ چوارچێوه‌ى دانيشتن وه‌زيره‌يل خارجيه‌ى ده‌وڵه‌ته‌يل هاوپه‌يمان ئه‌را له‌ناوبردن ريكخرياگ تيرۆريستى داعش ك له‌ واشنتۆن پايته‌خت ئه‌مريكا ساز كريا.

 

وه‌زير خارجيه‌ى توركيا وت: هه‌ناى ك واشنتۆن له‌ عراق ده‌رچێ وڵاته‌گه‌ سپاريا وه‌ده‌س نوركى مالكى و ئه‌ويش پيكهاته‌ى گه‌ورايگ له‌ عراق دويره‌و خست و عراقيش چيه‌ ناو ئاژاوه‌ى و چه‌كداره‌يل داعشيش نه‌ف له‌و ئاژاوه‌ وه‌رگرتن و تويه‌نستن له‌ ماوه‌ى كه‌ميگ 40 له‌سه‌د له‌ خاكه‌يل عراق داگير بكه‌ن.