هــــه‌واڵ عــیراق
روحانى داوا له‌ تره‌مپ ئه‌كا سه‌ردان به‌غداو به‌سره‌ بكا: تا بوينێد چه‌ چه‌وه‌ڕێده‌

روحانى داوا له‌ تره‌مپ ئه‌كا سه‌ردان به‌غداو به‌سره‌ بكا: تا بوينێد چه‌ چه‌وه‌ڕێده‌


شه‌فه‌ق نيوز/ حه‌سه‌ن روحانى سه‌رۆك ئيرانى سه‌ردانه‌گه‌ى دۆناڵد تره‌مپ سه‌رۆك ئه‌مريكا ئه‌را عراق جوور "واين" واشنتۆنه‌.

 

روحانى وت: ئه‌و سه‌ردان كوڵ و نائاشكراى دۆناڵد تره‌مپه‌ ئه‌را عراق له‌ژێر ساى تيه‌رێكى جوور واينه‌ ئه‌را ئه‌مريكاو ئاماژه‌ وه‌يه‌يش كرد و وت: دوياخريش روێداگيگ گرنگ له‌ ناوچه‌گه‌ وه‌چه‌و ديمن و ئه‌مريكيه‌يل له‌ساڵ 2003ه‌وه‌ باس له‌وه‌ ئه‌كه‌ن ك عراق و ئه‌فغانستان قورتار كردنه‌، وه‌لێ ئه‌گه‌ر ئى دعايه‌ راس بوياتاد ئه‌راچه‌ سه‌ردان عراق ناكه‌ين وه‌ شيوه‌يگ فه‌رمى و ئاشكرا تا وه‌چه‌و بوينينن عراقيه‌يل چوين پيشوازى له‌ليدان ئه‌كا له‌ جاده‌يل به‌غداو به‌سره‌.

 

جى باسه‌، سه‌رۆك ئيرانى هه‌ميش وت: سه‌رداندان ئه‌را بنگه‌يگ بويچگ سه‌ربازێ وه‌ نائاشكراو گرتن وێنه‌ وه‌ل شماره‌يگ له‌ سه‌ربازه‌يل و خوه‌نينه‌وه‌ى وتار كوڵ و دوياخريش ده‌رچگدان له‌ عراق دوياى سه‌عاتيگ يا دو سه‌عات، ئه‌يه‌ ماناى وايندانه‌.