هــــه‌واڵ عــیراق
يه‌كێتى نيشتمانى: عبادى ناخوازێد مووچه‌ێ كوردستان كلبكا و يه‌يش ئامانجيه‌

يه‌كێتى نيشتمانى: عبادى ناخوازێد مووچه‌ێ كوردستان كلبكا و يه‌يش ئامانجيه‌


شه‌فه‌ق نيوز/ ئارێز عه‌بدوڵڵا سه‌رۆك فراكسيۆن يه‌كێتى نيشتمانى كوردستان له‌ ئه‌نجومه‌ن نوێنه‌ره‌يل عراقى وه‌ قسه‌يلێ په‌لامار حه‌يده‌ر عبادى سه‌رۆك وه‌زيره‌ دا و تومه‌تبارێ وه‌ ئه‌وه‌ كرد ك مه‌يل كلكردن مووچه‌ێ كارمه‌نده‌يل هه‌رێم كوردستان نه‌يرێد.

 

عه‌بدوڵڵا له‌ كۆنگره‌يگ رووژنامه‌گه‌رى ك شه‌فه‌ق نيوز ئاماده‌ێ بوى وت: عبادى له‌جياى ئه‌وه‌گ مووچه‌يل چه‌ن مانگيگ وزاره‌ته‌يل ره‌وانه‌ بكا با به‌ش هه‌رێم وه‌ ته‌مامى ره‌وانه‌ بكا، ئاماژه‌ وه‌يه‌يش كرد ك عبادى ناخوازێد مووچه‌ ره‌وانه‌ بكا، به‌ڵكوو يه‌يش فشاريگه‌ ئه‌را بان حكومه‌ت كوردستان و ناخوازيديش گفتگوو وه‌ل هه‌رێم كوردستان ئه‌نجام بيه‌ێد.

 

جى باسه‌، عه‌بدوڵڵا هه‌ميش وت: سه‌رۆك وه‌زيره‌يل عراقى ئه‌خوازێد له‌ وه‌رچه‌و مه‌ردم جه‌هان ئه‌وه‌ ده‌ربخا ك مووچه‌ێ كارمه‌نده‌يل هه‌رێم كوردستان ره‌وانه‌ ئه‌كا، وه‌لێ راسيه‌گه‌ێ وه‌و جووره‌ نيه‌و ئه‌و كاره‌ ناكا.