هــــه‌واڵ عــیراق
عراق و سعوديه‌ ئمزاى 18 ياداشت كردن و له‌ناونيان كه‌رته‌يل نه‌فت وغاز

عراق و سعوديه‌ ئمزاى 18 ياداشت كردن و له‌ناونيان كه‌رته‌يل نه‌فت وغاز


شه‌فه‌ق نيوز/ جه‌بار عه‌لى لعێبى وه‌زير نه‌فت، ئاشكراى ئمزاكردن له‌بان 18 ياداشت ته‌فاهوم وه‌ل سعوديه‌ كرد ك كه‌رته‌يل نه‌فت و غاز و ته‌سفيه‌و پرووژه‌يل نه‌فتى و پترۆكيمياويات و هه‌ڵكه‌نديش ئه‌گرێده‌و.

 

لعێبى له‌ به‌ياننامه‌يگ وت: ئمزا له‌بان ئى بڕ فريه‌ى ياداشته‌يل ته‌فاهوم و هاوكاريه‌ روێداگيگ گرينگ و نموونه‌ييه‌ له‌ په‌يوه‌نديه‌يل دولايه‌نه‌ى ناونى هه‌ردوگ وڵات وه‌تايبه‌ت له‌ بواره‌يل نه‌فت و وزه‌، ك يه‌يش به‌شدارى ئه‌كا له‌ فراوانكردن روێوه‌ر هاوكارى هاوبه‌ش.

 

جى باسه‌، لعێبى هه‌ميش وت: ئى ياداشته‌يله‌ ته‌وه‌ره‌يل فريه‌يگ گرته‌و، له‌وانه‌يش: وه‌به‌رهاوردن و هاوكارى و دروسكردن و شه‌راكه‌ت و هاوردن مادده‌يل سه‌ره‌كى و هه‌وه‌جه‌يل ژيرخان ئابوورى و لويله‌يل و خزمه‌تگوزاريه‌يل ته‌كنيكى و پيشه‌سازى و هه‌ڵكه‌ندن چاڵ نه‌فتى و كاره‌يل تر.