هــــه‌واڵ عــیراق
هه‌فتانه‌ ده‌يان گومانليكرياێ له‌ موسڵ ده‌سگير ئه‌كريه‌ن

هه‌فتانه‌ ده‌يان گومانليكرياێ له‌ موسڵ ده‌سگير ئه‌كريه‌ن


شه‌فه‌ق نيوز/ رووژنامه‌ى سه‌نداى ته‌ليغراف له‌ شار موسڵه‌و له‌ عراق هه‌ڵمه‌ته‌يل وشكانن له‌لايه‌ن ده‌زگايه‌يل ئاسايشى عراقيه‌و بڵاو كرد ك له‌ خوه‌رهه‌ڵات ئه‌و شاره‌ ئه‌نجام ئه‌دريه‌ێد له‌وه‌ر ده‌سگيركردن ترۆريسته‌يل ريكخرياگ داعش.

 

راپۆرته‌گه‌ وت: له‌ وه‌ختيگ ك هيزه‌يل عراقى جه‌نگ دژ چه‌كداره‌يل ريكخرياگ ترۆريستى داعش ئه‌كه‌ن له‌ خوه‌رئاواى شار موسڵ، له‌ هه‌مان وه‌خت ده‌زگايه‌يل ئاسايشى له‌ ناوچه‌يل خوه‌رهه‌ڵات ئازادكرياگ هه‌مان شار ده‌سكردنه‌سه‌ وشكانن له‌شوون ترۆريسته‌يل.

 

جى باسه‌، وه‌ گووره‌ى راپۆرته‌گه‌ يه‌يش ده‌ركه‌فت ك ده‌زگاى ئاسايش نيشتمانى هه‌فتانه‌ 30 تا 35 گومانليكرياێ ده‌سگير ئه‌كاو په‌يجورى وه‌ليانا ئه‌كريه‌ێد له‌ ناوه‌نديگ له‌ باشوور موسڵ و دوياخريش جيواز ئه‌كريه‌ن ئه‌را وزاره‌ت ناوخوه‌يى و به‌ش دژه‌ ترۆر له‌وه‌ر ئه‌وه‌گ له‌ حاڵه‌تيگ ك ئه‌گه‌ر هه‌ر به‌ڵگه‌يگ له‌بانيان چه‌سپيا يه‌كسه‌ر هه‌واڵه‌يل دادگا بكريه‌ن ئه‌را دادگاييكردن.