هــــه‌واڵ عــیراق
داواكارى په‌يجورى ده‌رهه‌ق ئه‌فسه‌ريگ كوه‌يتى ئه‌كريه‌ێد له‌باره‌ى له‌سێداره‌داين ده‌يان عراقى

داواكارى په‌يجورى ده‌رهه‌ق ئه‌فسه‌ريگ كوه‌يتى ئه‌كريه‌ێد له‌باره‌ى له‌سێداره‌داين ده‌يان عراقى


شه‌فه‌ق نيوز/ عوده‌ى عه‌واد ئه‌ندام له‌بان پاريزگاى به‌سره‌، داوا له‌ وه‌زاره‌ت خارجيه‌ى عراقى كرد په‌يجورى واز بكا له‌باره‌ى ئه‌و گرته‌ى ڤيديۆييه‌ ك ئاشكراى كريا له‌بان ماڵپه‌ڕه‌يل په‌يوه‌ندى كۆمه‌ڵايه‌تى و له‌تى كه‌ناڵه‌يل ئاسمانى كويه‌تى يه‌كيگ له‌ كارمه‌نده‌يل ناوخوه‌يى كوه‌يتى ده‌رئه‌خه‌ن ك باس له‌وه‌ ئه‌كا وه‌رپرسيگ گه‌ورا له‌ وه‌زاره‌ت ناوخوه‌يى كوه‌يتى 50 هاووڵاتى عراقى داگه‌ له‌سێداره‌ وه‌رجه‌ 23 ساڵ.

 

عه‌واد له‌ به‌ياننامه‌يگ ئه‌را شه‌فه‌ق نيوز وت: بايه‌سه‌ له‌بان وه‌زاره‌ت خارجيه‌ى عراقى په‌يجورى واز بكا له‌باره‌ى ئه‌و گرته‌ى ڤيديۆييه‌ ك بڵاو كرياگه‌ له‌لايه‌ن يه‌كيگ له‌ هووكاره‌يل ره‌سانن كوه‌يتى و له‌تى ده‌رئه‌كه‌فێد ك كارمه‌نديگ ناوخوه‌يى دگان وه‌ ئه‌وه‌ ئه‌نه‌ێد وه‌رپرسيگ گه‌ورا له‌ ناوخوه‌يى كوه‌يتى 50 هاووڵاتى عراقى وه‌رجه‌ 23 ساڵ داگه‌ له‌سێداره‌گه‌.

 

جى باسه‌، عه‌واد هه‌ميش وت: بايه‌سه‌ له‌بان حكومه‌ت كوه‌يتى و لايه‌نه‌يل په‌يوه‌نديداريش ئه‌و راسيه‌ ئاشكرا بكه‌ن ك باس كرياگه‌ له‌لايه‌ن يه‌كيگ له‌ كارمه‌نده‌يل له‌ وه‌زاره‌ت ناوخوه‌يى كوه‌يتى.