هــــه‌واڵ عــیراق
سيناتۆريگ ئه‌مريكى نياز ئيران له‌ڕێ سلێمانيه‌و ئه‌را ناكووكى ناونى هه‌ولێر و به‌غدا ده‌رخست

سيناتۆريگ ئه‌مريكى نياز ئيران له‌ڕێ سلێمانيه‌و ئه‌را ناكووكى ناونى هه‌ولێر و به‌غدا ده‌رخست


شه‌فه‌ق نيوز/ جون مه‌كين سيناتۆر كۆمارى پايه‌به‌رز ئه‌مريكى، له‌ دانيشتنيگ تايبه‌ت ئه‌نجومه‌ن سيانه‌يل ئه‌مريكى وت: ئيران ئه‌خوازيد له‌ڕێ قاسم سلێمانيه‌و گرژى و ناكووكيه‌يل زياتريگ له‌ناونى كورد و به‌غدا دروس بكاو هه‌ڵوژاردنه‌يل ئاينده‌ى عراقى بكاده‌ ده‌رفه‌تيگ ئه‌را فراوانكردن نفوزى له‌ عراق.

 

مه‌كين له‌و دانيشتنه‌ وت: مكوڕێ وڵاته‌يل يه‌كگرتگ له‌بان له‌ناوبردن ريكخرياگ داعش ك وه‌ ئه‌ركيگ گرينگ دانريه‌ێد، مه‌سه‌له‌يگ تر راسكانى تيه‌ڵ شارده‌و وه‌ ئه‌وه‌گ ئه‌مريكا سياسه‌ت ئاشكرايگ نه‌يرێد و كه‌مته‌رخه‌مه‌ له‌باره‌ى سه‌ختيه‌يل له‌ خوه‌رهه‌ڵات ناوين و له‌ سه‌رده‌م حوكم ترامپ ك ئه‌را ماوه‌ى ساڵێگه‌ رۆڵ ئه‌مريكا ئاشكرا نيه‌و بيده‌نگى هه‌ڵوژانگه‌ له‌ عراق و سورياو يه‌يش له‌يوا كرد ميليشيايه‌يل و گرووپه‌يل تونڕه‌و ئه‌و بۆشاييه‌ پڕه‌و بكه‌ن.

 

جى باسه‌، مه‌كين هه‌ميش وت: هيزه‌يل ئيرانى له‌ عراق هه‌وڵ ئه‌وه‌ ئه‌يه‌ن سه‌قامگيرى ئى وڵاته‌ بشيونن جوور ئه‌وه‌گ روێدا له‌ كه‌ركوك ك وجوود فه‌يله‌ق قودس ئيرانى و قاسم سلێمانى سه‌ركرده‌ى چوين ناكووكى له‌ناونى كورد و حكومه‌ت عراقى دروسكرد.