هــــه‌واڵ كــوردى
دزه‌يى: سه‌روه‌خوه‌يى كوردستان ئه‌دێده‌ سه‌قامگيرى ئه‌را خوه‌رهه‌ڵات ناوين

دزه‌يى: سه‌روه‌خوه‌يى كوردستان ئه‌دێده‌ سه‌قامگيرى ئه‌را خوه‌رهه‌ڵات ناوين


شه‌فه‌ق نيوز/ سه‌فين دزه‌يى قسه‌كه‌ر وه‌ناو حكومه‌ت هه‌رێم كوردستان باس له‌وه‌ كرد ك وجوود كوردستانيگ سه‌روه‌خوه‌ى ئه‌ديده‌ هووكار ئه‌را سه‌قامگيرى له‌ خوه‌رهه‌ڵات ناوين.

 

دزه‌يى له‌ ديدارى وه‌ل شانديگ له‌ كۆمه‌ڵه‌ێ"شاند له‌وه‌ر گفتگوو"له‌ باڵه‌خانه‌ێ ئه‌نجومه‌ن وه‌زيره‌يل هه‌رێم كوردستان وت: ئوميده‌واريم كۆمه‌ڵگاێ ناوده‌وڵه‌تى نه‌وده‌ گرفت له‌وه‌رده‌م ئه‌نجامداين سه‌روه‌خوه‌يى چه‌وه‌ڕيكرياێ ئه‌را بريار چاره‌نويس ملله‌ت كوردستان له‌ 25 ئه‌يلوول دوياێ ئه‌و هه‌مگه‌ كوشتن و وه‌جه‌م و ته‌هجير و ويرانكردن خاكه‌يليه‌ ك هاته‌ تويشى و كۆمه‌ڵگاێ ناوده‌وڵه‌تى له‌ ئاست ئه‌و تاوانه‌يله‌ بيده‌نگ بوێ و ئيسه‌يش وه‌خت ئه‌وه‌ هاتگه‌ ئه‌و هه‌ڵه‌يل مێژوويى خوه‌يه‌ راسه‌و بكا.

 

جى باسه‌، دزه‌يى هه‌ميش وت: حكومه‌ت عراقى وه‌ چه‌واشه‌ێ ده‌ستوور ره‌فتار كردگه‌و هيمان تائيسه‌يش وه‌رده‌وامه‌ له‌بان ئه‌و ره‌فتاره‌يله‌و له‌وانه‌يش برين به‌ش هه‌رێم له‌ بودجه‌ێ گشتى عراقى و بيبه‌شكردن هيزه‌يل پێشمه‌رگه‌ له‌ چه‌ك و مه‌سه‌له‌ێ دارايى، يه‌يش له‌ وه‌ختيگ ك ته‌نيا هيزه‌يليگن داعش له‌ مه‌يدان له‌ناوبرد.