هــــه‌واڵ عــیراق
قه‌ڵبه‌وبوين سه‌ياره‌يگ له‌ واست 14 ئيرانى زه‌خمدار كرد

قه‌ڵبه‌وبوين سه‌ياره‌يگ له‌ واست 14 ئيرانى زه‌خمدار كرد


شه‌فه‌ق نيوز/ سه‌رچه‌وه‌يگ ئاسايشى له‌ پاريزگاى واست، ئه‌وه‌ ده‌رخست ك 14 ئيرانى له‌ ئاكام قه‌ڵبه‌وبوين سه‌ياره‌يگيان له‌ پاريزگاگه‌ زه‌خمدار بوينه‌ له‌ وه‌خت هاتنيان وه‌ناو خاك عراق له‌وه‌ر زياره‌ت چله‌ى ماته‌مينى.

 

سه‌رچه‌وه‌گه‌ ئه‌را(شه‌فه‌ق نيوز)وت: ئه‌و سه‌ياره‌ زياره‌تچيه‌يل ئيرانى هه‌ڵگرتگه‌و له‌ نزيك دوڕيان سه‌يد سه‌فه‌ر له‌ قه‌زاى به‌دره‌ قه‌ڵبه‌و بويه‌و 14 له‌ زياره‌تچيه‌يل زه‌خمدار بوينه‌و جيوازيان كرياگه‌ ئه‌را نه‌خوه‌شخانه‌ى ميهران.

 

جى باسه‌، پيره‌كه‌ له‌ ئاكام قه‌ڵبه‌وبوين سه‌ياره‌يگ تر زياره‌تچيه‌يل كوه‌يتى له‌ پاريزگاى زيقار له‌ وه‌خت هاتنيان ئه‌را كه‌ربه‌لا 5 زياره‌تچى گيان له‌ده‌سدان و 10 كه‌س تريش  زه‌خمدار بوين.