هــــه‌واڵ عــیراق
داعش له‌ موسڵ چوار كه‌س له‌ خيزانيگ كوشت

داعش له‌ موسڵ چوار كه‌س له‌ خيزانيگ كوشت


شه‌فه‌ق نيوز/ سه‌رچه‌وه‌يگ وه‌رپرس ئه‌منى، ئاشكراى كوشيان باوگ و سێ رووڵه‌ێ كرد وه‌ده‌س تيرۆريسته‌يل سه‌ر وه‌ ريكخرياگ داعش ك چينه‌سه‌ ناو ماڵ ئه‌رايان له‌ يه‌كيگ له‌ ئاوايه‌يل سه‌ر وه‌ شار بادوش له‌ خوه‌رئاواى موسڵ.

 

ئه‌و سه‌رچه‌وه‌ ئه‌را شه‌فه‌ق نيوز وت: چه‌كداره‌يليگ سه‌ر وه‌ داعش وه‌ دڵنگ سه‌ربازيه‌و چينه‌سه‌ ماڵيگه‌و له‌ ئاواى ئه‌لبه‌غله‌ سه‌ر وه‌شار بادوش و باوگ و سيانن له‌ كوڕه‌يلى كوشتنه‌ دوياى ئه‌وه‌گ له‌ باقى خيزانه‌گه‌يان دويره‌و خريانه‌.

 

جى باسه‌، سه‌رچه‌وه‌گه‌ تائيسه‌ ئاشكراى ئه‌وه‌ نه‌كردگه‌ ك ئايا ئه‌و غه‌درليكرياگه‌يله‌ په‌يوه‌ندى وه‌ هيزه‌يل ئه‌منى عراقيه‌و داشتنه‌ يا نه‌ياشتنه‌ له‌ پرووسه‌ى ئازادكردن موسڵ.