هــــه‌واڵ عــیراق
كاره‌با مزگانى خاسيگ ئه‌ياده‌ كارمه‌نده‌يل گريه‌به‌س

كاره‌با مزگانى خاسيگ ئه‌ياده‌ كارمه‌نده‌يل گريه‌به‌س


شه‌فه‌ق نيوز/ لوئه‌ى خه‌تيب وه‌زير كاره‌با، باس له‌وه‌ كرد بڕگه‌ى دامه‌زرانن ياساى بودجه‌ى ناوه‌ندى 2019 زه‌مانه‌ت كرياگه‌ ئه‌را گشت كارمه‌نده‌يل وه‌زاره‌ته‌گه‌ له‌وانه‌گ وه‌ سفه‌ت گريه‌به‌س كار ئه‌كه‌ن له‌بان مه‌لاك هه‌ميشه‌يى ك شماره‌يان (٣٣٤٠٣) كارمه‌نده‌.

 

خه‌تيب له‌ به‌ياننامه‌يگ ئه‌را شه‌فه‌ق نيوز وت: ئى دامه‌زراننه‌ شايسته‌ى خوه‌يانه‌ له‌وه‌ر ئه‌و هه‌وڵه‌يله‌ ك دانه‌سه‌ى وه‌ دريژايى ساڵه‌يل وه‌رين و ئه‌و شاره‌زاييه‌ ك ديرنه‌ى له‌ كاره‌يليان، يه‌يش بيجگه‌ هه‌وه‌جه‌ى وه‌زاره‌ته‌گه‌ ئه‌را خزمه‌ته‌يليان.

 

جى باسه‌، خه‌تيب هه‌ميش وت: ماوه‌ى گريه‌به‌سه‌گه‌يش ئه‌رايان هساو ئه‌كريه‌ێد دوياى چه‌سپاننيان جوور خڤمه‌ت فعلى له‌وه‌ر مه‌سه‌له‌ى به‌رزبوينه‌وه‌ى پله‌و خانه‌نشينى وه‌ل پابه‌ندبوين وه‌زاره‌ته‌گه‌ له‌و كه‌سه‌يل چه‌سپياگه‌ ئه‌را كار له‌ پرووژه‌يل وه‌به‌رهاوردن و به‌رنامه‌ى وه‌كاربه‌ر تازه‌ ئه‌را ساڵه‌يل ئاينده‌.