هــــه‌واڵ كــوردى
به‌ره‌ى توركمانى داواكاره‌ حزبه‌يل كوردستانى وه‌رجه‌ راپرسى ڕى وشوون بگرنه ‌وه‌ر

به‌ره‌ى توركمانى داواكاره‌ حزبه‌يل كوردستانى وه‌رجه‌ راپرسى ڕى وشوون بگرنه ‌وه‌ر


شه‌فه‌ق نيوز/ قاسم قه‌زانچى وه‌رپرس لق كه‌ركوك له‌ به‌ره‌ى توركمانى داواى ئه‌وه‌ كرد وه‌رجه‌ ئه‌نجامداين راپرسى ڕى وشوون له‌وه‌ر خستن يا نه‌خستن كه‌ركوك ئه‌را بان هه‌رێم كوردستان ئه‌نجام بدريه‌ێد وه‌گووره‌ى جيوه‌جيكارى و ئاماركردن.

 

قه‌زانچى له‌ ديداريگى وه‌ل حزبه‌يل كوردستانى له‌ كه‌ركوك و له‌وانه‌يش (يه‌كێتى نيشتمانى كوردستان و پارت ديموكرات كوردستان و جه‌ماعه‌ت ئسلامى و يه‌كێتى ئسلامى كوردستانى و حزب شيوعى كووردستانى) له‌ باره‌گاى لق كه‌ركوك/ به‌ره‌ى توركمانى عراقى جه‌خت له‌بان په‌يوه‌نديه‌يل دووسانه‌و سه‌ردانه‌يل ناونى گشت حزبه‌يل سياسى كرد له‌ كه‌ركوك و زاڵبوين له‌بان گشت كيشه‌و گرفته‌يليگ كرد.

 

جى باسه‌، ناوبرياگ هه‌ميش وت: ئيمه‌ هايم وه‌ل ده‌ستوور و بڕياره‌يل په‌رله‌مان عراقى له‌ باره‌ى كه‌ركوك و راپرسييش ڕى وشوونه‌يل ياسايى ديرێد و بايه‌سه‌ پابه‌ندى وه‌پيه‌و بكريه‌ێد وه‌رجه‌ ئه‌نجامداينى جوور جيوه‌جيكارى خاڵه‌يليگ و ئاماركردن و يه‌يش ده‌رخست ك گشت حزبه‌يل توركمانى كووكن له‌بان مه‌سه‌له‌يليگ په‌يوه‌س وه‌ كه‌ركوك و مه‌ردمه‌گه‌ێ.