هــــه‌واڵ عــیراق
وه‌ سه‌رۆكايه‌تى ئه‌لعه‌ڵاق.. شانديگ باڵاى عراقى سه‌ردان كوردستان ئه‌كا

 وه‌ سه‌رۆكايه‌تى ئه‌لعه‌ڵاق.. شانديگ باڵاى عراقى سه‌ردان كوردستان ئه‌كا


شه‌فه‌ق نيوز/ سه‌رچه‌وه‌يگ ئاگادار، ئه‌وه‌ ده‌رخست ك شانديگ باڵا له‌ حكومه‌ت ناوه‌ندى سه‌ردان شار هه‌ولێر ئه‌كا ئه‌را تاوتوێكردن مه‌سه‌له‌يليگ له‌ناونى هه‌رێم كوردستان و حكومه‌ت ناوه‌ندى.

 

له‌ى باوه‌ته‌و، هووكاره‌يل ره‌سانن كوردستانى له‌زووان سه‌رچه‌وه‌گه‌ وتن: ئه‌و شاند حكومه‌ت ناوه‌نديه‌ پيكهانه‌ له‌: مهدى ئه‌لعه‌لاق ئه‌ميندار گشتى ئه‌نجومه‌ن وه‌زيره‌يل و ئه‌ياد وائلى وه‌ڕيه‌وبه‌ر نويسينگه‌ى سه‌رۆك وه‌زيره‌يل و فه‌ريق روكن يه‌كه‌م خالد حمود راوێژكار سه‌ربازى سه‌رۆك وه‌زيره‌يل و سۆران هيدايه‌ت عوسمان وه‌رپرس رى و ڕه‌سمه‌يل له‌ ئه‌ميندارێتى گشتى ئه‌نجومه‌ن وه‌زيره‌يل و جه‌بار منلون وه‌ڕيه‌وبه‌ر رى وڕه‌سمه‌يل له‌ نويسينگه‌ى سه‌رۆك وه‌زيره‌يل و عه‌باس محه‌مه‌د له‌ به‌ش رى وڕه‌سمه‌يل له‌ نويسينگه‌ى سه‌رۆك وه‌زيره‌يل.

 

جى باسه‌، سه‌رچه‌وه‌گه‌ هه‌ميش وت: ئى شانده‌ وه‌ل وه‌رپرسه‌يل له‌ حكومه‌ت هه‌رێم كوردستان باس له‌ دوسيه‌يل چاره‌سه‌ر نه‌كرياى ئه‌كه‌ن وه‌ل ڕيه‌يل چاره‌سه‌ر كيشه‌يليگ ك وجوود ديرێد له‌ناونى هه‌رێم كوردستان و حكومه‌ت ناوه‌ندێ.