هــــه‌واڵ عــیراق
ده‌وڵه‌ت ياسا "گه‌وراترين رسوايى له‌ مێژوو عراق" ده‌رخست

ده‌وڵه‌ت ياسا "گه‌وراترين رسوايى له‌ مێژوو عراق" ده‌رخست


شه‌فه‌ق نيوز/ فرده‌وس عه‌وادى ئه‌ندام له‌بان ئئتلاف ده‌وڵه‌ت ياسا، ئاشراى زيايكردن بڕگه‌يليگ كرد ئه‌را ياساێ وه‌خشين گشتى ك ده‌نگ له‌بانيان نه‌درياگه‌و يه‌يش وه‌ "گه‌وراترين رسوايى له‌ مێژوو عراق" تاريف كرد.

 

عه‌وادى له‌باسيگ ئه‌را شه‌فه‌ق نيوز وت: ئى رسواييه‌ نه‌بايه‌د وه‌بى ده‌نگ گوزه‌ر بكاو بايه‌سه‌ له‌بان گشت ده‌سڵاته‌يل ته‌شريعى و دادوه‌رى و جيوه‌جيكاريش په‌يجورى له‌ى مه‌سه‌له‌ بكه‌ن و ئه‌و لايه‌نه‌ ده‌ربخه‌ن ك ئى بڕگه‌يله‌ زياى كردنه‌ له‌ ياسا له‌ رووژنامه‌ى ئه‌لوه‌قائع عراقى له‌وه‌ر ئه‌وه‌گ ترۆريسته‌يل له‌ڕێ ئى بڕگه‌يله‌و بتويه‌نن وه‌خشين وه‌ربگرن.

 

جى باسه‌، عه‌وادى هه‌ميش وت: بايه‌سه‌ له‌بان سه‌رۆكايه‌تى ئه‌نجومه‌ن نوێنه‌ره‌يل و ئه‌ميندارێتى گشتى ئه‌نجومه‌ن وه‌زيره‌يل ئاشكراى هه‌ڵويست خوه‌يان بكه‌ن له‌ى ساخته‌كاريه‌و چوينێتى ره‌سين ئى بڕگه‌ ئه‌را رووژنامه‌ێ فه‌رمى وه‌بى ئه‌وه‌گ ده‌نگ له‌بانى بدريه‌ێد و ئه‌نجومه‌ن نوێنه‌ره‌يل په‌سه‌نى بكا.