هــــه‌واڵ كــوردى
بارزانى سه‌ره‌خوه‌شى له‌ كه‌سوكار محه‌مه‌د مه‌لا كه‌ريم كرد

بارزانى سه‌ره‌خوه‌شى له‌ كه‌سوكار محه‌مه‌د مه‌لا كه‌ريم كرد


شه‌فه‌ق نيوز/ مه‌سعود بارزانى سەرۆك هەرێم کوردستان، پرسەنامەيگ وە بوونەی كووچ دويایی محەمەد مەلا کەریم بڵاو کرد و له‌تى سەرەخوه‌شی لە بنه‌ماڵه‌گه‌ى کرد، ك يه‌يش ده‌ق ئه‌و پرسه‌نامه‌سه‌:

 

وه‌ناو خوداى گه‌ورا و ميهره‌بان

بنه‌ماڵه‌ى رێزدار كاكه‌ حه‌مه‌ى مه‌لا كه‌ريم

وه‌داخه‌وه‌ هه‌واڵ كووچ دويايى نويسه‌ر و رووشنهوير دڵسووز و نيشتمانپه‌روه‌ر و شيه‌وكه‌ر ئه‌ده‌بى، مامۆستا حه‌مه‌ى مه‌لا عه‌بدولكه‌ريم موده‌ڕس وه‌پيمان ره‌سى.

له‌ى بوونه‌ى خه‌مناكه‌ له‌ دڵه‌و سه‌ره‌خوه‌شى له‌ئيوه‌ى ريزدار و كه‌سوكار و خيش و ئاشنايه‌يل و سه‌رجه‌م رووشنهويره‌يل كوردستان ئه‌كه‌م و هاوبه‌ش خه‌مدانم و له‌ خوداى گه‌ورا داواكارم كاكه‌ حه‌مه‌ بوێده‌ وه‌ر ره‌حمه‌ت خوه‌يى و دڵئارامى و سه‌بوورييش وه‌ گشتلايگ بووه‌خشێد.

انا لله و انا اليه راجعون

مه‌سعود بارزانى

12 - 3 - 2017

 

جى باسه‌، ئمڕوو يه‌كشه‌ممه‌ 12 - 3 - 2017، محه‌مه‌د مه‌لا كه‌ريم نويسه‌ر و رووشنهويرى ناودار كورد له‌ ته‌مه‌ن 86 ساڵى ماڵئاوايى يه‌كجارى له‌ دونيا كرد.