هــــه‌واڵ جیــهانى
مۆسكۆ له‌باره‌ى سزايه‌يل ئه‌مريكى له‌بان كه‌سه‌يليگ نزيك له‌ بۆتين هه‌ڕه‌شه‌ى كرد

مۆسكۆ له‌باره‌ى سزايه‌يل ئه‌مريكى له‌بان كه‌سه‌يليگ نزيك له‌ بۆتين هه‌ڕه‌شه‌ى كرد


شه‌فه‌ق نيوز/ رووژ جومعه‌ى گوزه‌يشت واشنتۆن ده‌زگايگ نزيك له‌ فلاديمير بۆتين سه‌رۆك روسى گرته‌ ئامانج و سزا له‌بان هه‌فت كه‌سايه‌تى خاوه‌ن نفوز گه‌ورا له‌ روسيا چه‌سپان، ك يه‌يش بويه‌ هووكار زيايكردن قه‌يران دبلۆماسى و كه‌سانيگيش وه‌ جه‌نگ سه‌رد تاريفى كردن.

 

له‌ى باوه‌ته‌و، وزاره‌ت خارجيه‌ى روسى هه‌ڕه‌شه‌ى جواودانه‌وه‌ى سه‌ختيگ كرد له‌بان سزايه‌يل تازه‌ى ئه‌مريكى و له‌ به‌ياننامه‌يگ وت: ئى په‌لامار ئيسه‌ واز له‌لى نايه‌ريم يا هه‌ر په‌لاماريگ تر دژ وه‌ روسيا وه‌بى جواودانه‌وه‌ى سه‌ختيگ.

 

جى باسه‌، به‌ياننامه‌گه‌ هه‌ميش وت: له‌وه‌ر ئه‌وه‌گ وه‌هويچ ئاكاميگ نه‌ڕه‌سيمنه‌ وه‌ل 50 مه‌جموعه‌ له‌ سزايه‌يل وه‌رين، واشنتۆن وه‌رده‌وامه‌ له‌ رخه‌وبردن له‌ڕى ره‌ته‌وكردن داين فيزاى ئه‌مريكى و هه‌ڕه‌شه‌ له‌ بازرگانى روسيا ئه‌كا وه‌ سڕكردنى كاره‌يلى، وه‌لێ ئه‌وه‌ له‌هويرى چيه‌ ك ده‌سوه‌سه‌رگرتن موڵكيه‌ت تايبه‌ت و دارايى مه‌ردمان تر دزيكردنه‌.