هــــه‌واڵ عــیراق
وه‌زير كار عراقى: رووڵه‌يل داعش هانه‌ لاى ئيمه‌و دو ده‌وڵه‌ت داوايان ئه‌كه‌ن

وه‌زير كار عراقى: رووڵه‌يل داعش هانه‌ لاى ئيمه‌و دو ده‌وڵه‌ت داوايان ئه‌كه‌ن


شه‌فه‌ق نيوز/ محه‌مه‌د شياع سودانى وه‌زير كار و كاروبار كۆمه‌ڵايه‌تى عراقى جه‌خت له‌وه‌ كرد ك دو ده‌وڵه‌ت داواى وه‌رگرتنه‌وه‌ى رووڵه‌يل هاووڵاتيه‌يليان ئه‌كه‌ن له‌وانه‌گ سه‌ر وه‌ ريكخرياگ ترۆريستى داعش بوينه‌ له‌ عراق.

 

سودانى له‌ لێدوانيگ ئه‌را RT وت: ده‌زگاى چه‌وديرى سه‌ر وه‌ وزاره‌ته‌گه‌ له‌وه‌ر هووكاره‌يل ئنسانى مناڵه‌يل داعش گرته‌سه‌ خوه‌ى و وزاره‌ته‌گه‌يش وه‌ گووره‌ى ياسا رووڵه‌يل داعش له‌وانه‌گ عراقى نيين ره‌وانه‌ ئه‌كا ئه‌را لاى كه‌سوكاريان له‌و ده‌وڵه‌ته‌يله‌ ك له‌تى ژيه‌ن.

 

جى باسه‌، سودانى ئاماژه‌ وه‌ وجوود مناڵه‌يل له‌ ره‌گه‌زه‌يل روسى و شيشانى و چينى و هۆڵه‌ندى كرد و يه‌يش ده‌رخست ئه‌و ده‌وڵه‌ته‌يله‌ ك هه‌وڵ بردنه‌وه‌ى رووڵه‌يليان ئه‌يه‌ن پيكهاتنه‌ له‌ روسيا و شيشان.