هــــه‌واڵ جیــهانى
پرووژه‌ ياسايگ ئه‌مريكى ئه‌را وسانن پشتگيرى له‌ سعوديه‌

پرووژه‌ ياسايگ ئه‌مريكى ئه‌را وسانن پشتگيرى له‌ سعوديه‌


شه‌فه‌ق نيوز/ ئه‌نجومه‌ن پيره‌يل ئه‌مريكى راى ماڵ چه‌رمگ په‌سه‌ن نه‌كردن دوياى ئه‌وه‌گ به‌ش فريه‌يگ له‌ ئه‌ندامه‌يلى ره‌زامه‌نى نيشاندان له‌وه‌گ پرووژه‌ ياساى كووتاييهاورن وه‌ پشتگيرى سه‌ربازى ئه‌مريكى ئه‌را هاوپه‌يمان عه‌ره‌بى وه‌ سه‌رۆكايه‌تى سعوديه‌ له‌ يه‌مه‌ن هه‌واڵه‌ێ تاوتوێكردن بكريه‌ێد.

 

هه‌رچه‌نى مايك په‌مپيۆ و جيم ماتيس هه‌ردوگ وه‌زيره‌يل خارجيه‌ى و وه‌رگرى ئه‌مريكى وشدارى دان له‌وه‌گ كووتايهاوردن وه‌ پشتگيريكردن سعوديه‌ كاريگ خويناوى له‌لێ ئه‌كه‌فه‌ێد له‌ يه‌مه‌ن،  وه‌لى 62 سيناۆر كۆمارى و ديموكراتى له‌ به‌رژه‌وه‌ندى وه‌رده‌سكردن ئه‌و بڕياره‌ ده‌نگدان وه‌ ئه‌وه‌گ گوزه‌ر بكا له‌ گرفت سه‌ره‌كى له‌ ئه‌نجومه‌ن پيره‌يل.

 

جى باسه‌، ئه‌و پرووژه‌ بڕياريشه‌ هه‌واڵه‌يل ده‌نگداين ئه‌كريه‌ێد وه‌ رجه‌ تاوتوێكردن و ده‌نگداين كووتايى ك هه‌فته‌ێ ئاينده‌ ئه‌نجام ئه‌گرێد.