هــــه‌واڵ عــیراق
وشدارى له‌باره‌ى لافاو له‌ په‌نج پارێزگاى عراقى دريه‌ێد

وشدارى له‌باره‌ى لافاو له‌ په‌نج پارێزگاى عراقى دريه‌ێد


شه‌فه‌ق نيوز/ عراق خوه‌ى ئاماده‌ ئه‌كا ئه‌را روێ وه‌ڕوێ بوينه‌وه‌ى شه‌پۆليگ تر له‌ زيايبوين ئاو ك شايه‌ت لافاوه‌يل زياتريگ له‌خوه‌ى بگرێد وه‌لاى خوه‌يه‌و له‌ په‌نج پاريزگاى سه‌ڵاحه‌دين و كه‌ركوك و دياله‌و واست و ميسان.

 

ده‌سڵاته‌يل باس له‌وه‌ ئه‌كه‌ن وه‌ربه‌سه‌يل دياله‌و حه‌مرين و ئه‌ڵوه‌ن و عزێم له‌ دياله‌و وه‌ربه‌س سامه‌ڕا له‌ سه‌ڵاحه‌دين ئاوه‌يل فريه‌يگ له‌تيان جه‌مه‌و بويه‌و يه‌يش كاريگه‌رى داشتگه‌ ئه‌را دروسبوين لافاوه‌يل و له‌ هه‌مان وه‌خت باس له‌وه‌يش كردنه‌ ك به‌غداى پايته‌ختيش له‌ چوارچيوه‌ى ئه‌و شوونه‌يله‌ بويه‌ ك مه‌ترسى له‌بانى بويه‌.

 

جى باسه‌، ده‌سڵاته‌يل عراقى مه‌ترسى له‌ لافاو وه‌ربه‌س سامه‌ڕا ديرن له‌ باكوور به‌غداى پايته‌خت ك ريژه‌ى ئاو له‌تى فريه‌ به‌رزه‌و بويه‌ ك هه‌رچنه‌ى نزيكه‌ى 11 ئه‌را 12 مليار مه‌تر سێجا له‌لى وه‌ره‌و ده‌رياچه‌ى سه‌رسار وه‌ره‌و پاريزگاى ئه‌نبار ريڕه‌و كرياگه‌.