هــــه‌واڵ عــیراق
خه‌زعه‌لى له‌نوو هه‌ڕه‌شه‌ێ وه‌ناوچگن كه‌ركوك كرد

خه‌زعه‌لى له‌نوو هه‌ڕه‌شه‌ێ وه‌ناوچگن كه‌ركوك كرد


شه‌فه‌ق نيوز/ قه‌يس خه‌زعه‌لى سه‌ركرده‌ى عه‌سايب ئه‌هلولهه‌ق باس له‌وه‌ كرد ك وه‌ى نزيكه‌يله‌ چه‌كداره‌يلى شان وه‌شان سوپاى عراقى ئه‌چنه‌ ناو كه‌ركوك و باقى ناوچه‌يل تر كيشه‌ له‌سه‌ر و هه‌ڕه‌شه‌ له‌وانه‌ كرد له‌ وه‌رده‌ميان بووسيه‌ێد.

 

خه‌زعه‌لى له‌ وته‌يگى له‌ نه‌جه‌ف وت: له‌ ئاكام هيز و خوه‌شه‌ويسى ئه‌را نيشتمان، دوباره‌ ئويشيم: كه‌ركوك شاريگ عراقيه‌و ئاماده‌يم ئه‌را كوشتار وه‌خاتر وه‌رگريكردن له‌لى و له‌ هامارى نه‌ينه‌واو شه‌نگاڵ و ته‌لعه‌فه‌ر و ره‌بيعه‌.

 

جى باسه‌، خه‌زعه‌لى هه‌ميش وت: كه‌س نواگيرى له‌ حه‌شد ناكا له‌ چگن وه‌ناو هه‌ر ناوچه‌يگ عراقى و له‌ رووژه‌يل نزيكيگيش وه‌ل سوپا ئه‌چێده‌ ناو كه‌ركوك و ناوچه‌يل تر كيشه‌ له‌سه‌ر و ئاماژه‌ وه‌يه‌يش كرد ك حكومه‌ت عراقى ماف خوه‌يه‌ هيزه‌يلى له‌و ناوچه‌يله‌ بڵاوه‌ وه‌پيان بكاو هه‌ر هيزيگيش له‌ڕوێ هيزه‌يل عراقى بووسيه‌ێد ده‌س له‌لێ ئه‌وه‌شنێم.