هــــه‌واڵ كــوردى
هه‌رێم كوردستان ده‌سكرده‌ دامه‌زرانن "پێوه‌ر ئاو" ئه‌را ماڵه‌يل

هه‌رێم كوردستان ده‌سكرده‌ دامه‌زرانن "پێوه‌ر ئاو" ئه‌را ماڵه‌يل


شه‌فه‌ق نيوز/ كومپانيايگ ئه‌هلى ئاشكراى ئه‌وه‌ كرد ك ده‌س كرياسه‌ دامه‌زرانن پێوه‌ر ئاو ئه‌لكترۆنى ئه‌را ماڵه‌يل و كۆمه‌ڵگه‌يل نيشته‌جى و باڵه‌خانه‌يل و كۆمپانيايه‌يل و كارخانه‌يل له‌ پاريزگاى سلێمانى له‌ هه‌رێم كوردستان.

 

له‌ى باوه‌ته‌و، شكار ره‌زا راوێژكار كومپانياى"كرنك"ئه‌هلى جيوه‌جيكار له‌ كۆنگره‌يگ رووژنامه‌گه‌رى وت: كومپانياگه‌ وه‌ كرده‌وه‌ ده‌سكرده‌سه‌ه‌ دامه‌زرانن پێوه‌ر ئاو ئه‌لكترۆنى له‌ چه‌ن ناوچه‌و شوونيگ له‌ پاريزگاگه‌.

 

جى باسه‌، ره‌زا هه‌ميش وت: ئى پرووژه‌ سوو له‌ قه‌زاى ده‌ربه‌نديخانيش ده‌س وه‌پى ئه‌كا.