هــــه‌واڵ عــیراق
مه‌عسوم گفتگوويگ "نائاشكراى" ناونى هه‌ولێر و به‌غدا ئاشكرا كرد

مه‌عسوم گفتگوويگ "نائاشكراى" ناونى هه‌ولێر و به‌غدا ئاشكرا كرد


شه‌فه‌ق نيوز/ فوئاد مه‌عسوم سه‌رۆك كۆمار عراق، په‌يوه‌نديه‌يل ناونى وڵاته‌گه‌ى و سعوديه‌ وه‌ خاس تاريف كرد و جه‌خت له‌وه‌يش كرد په‌يوه‌ندى ناونى به‌غداو هه‌رێم كوردستانيش هاته‌سه‌و ئه‌را بار سروشتى و ئاماژه‌يش وه‌ گفتگوويگ ئارام نائشكراى ناونى هه‌دوگلايش كرد.

 

مه‌عسوم له‌ ديمانه‌يك ك رووژنامه‌ى حه‌يات له‌نده‌نى بڵاويه‌و كرد وت: برياره‌يليگ خواست هه‌ن و بڕياره‌يليگ هه‌ن جوور كڕكڕه‌ى پشت ئه‌را وه‌ڕيخستن كاروبار ده‌وڵه‌ت و له‌وانه‌يش ك ده‌ستوور ئاماژه‌ وه‌پيان كردگه‌ ك تائيسه‌ جيگير نه‌كريانه‌.

 

جى باسه‌، مه‌عسوم هه‌ميش وت: په‌يوه‌ندى كورده‌يل وه‌ل حكومه‌ت ناوه‌ندى هاته‌سه‌و ئه‌را حاڵه‌ت سروستى و گفتگوويگ ئارام و نائاشكرايش هه‌س ك شانده‌يليگ ئه‌چن وه‌ره‌و كوردستان و له‌ورايشه‌و شاند كورد ئه‌ياد ئه‌را به‌غداو هه‌ر لايه‌نيگيش هه‌وه‌جه‌ وه‌ ئه‌واكه‌ ديرێد وه‌ جووريگ نه‌ هه‌رێم كوردستان تويه‌نێد واز له‌ حكومه‌ت ناوه‌ندى بارێد و نه‌يش حكومه‌ت تويه‌نێد ده‌س له‌ هه‌رێم هه‌ڵگرێد له‌ ده‌وڵه‌تيگ ك گشت به‌رژه‌وه‌نديه‌يل په‌يوه‌سن وه‌يه‌كه‌و.