هــــه‌واڵ عــیراق
پارتى باس له‌ يه‌كلاكردنه‌وه‌ى بودجه‌و جواودانه‌وه‌ى جبورى كرد

پارتى باس له‌ يه‌كلاكردنه‌وه‌ى بودجه‌و جواودانه‌وه‌ى جبورى كرد


شه‌فه‌ق نيوز/ فراكسيۆن پارت ديموكرات كوردستان له‌ ئه‌نجومه‌ن نوێنه‌ره‌يل عراقى، ئاشكراى ئه‌وه‌ كرد ك بڕياره‌ ليژنه‌ى دارايى هه‌رێم و وزاره‌ت دارايى له‌ حكومه‌ت ناوه‌ندى مه‌سه‌له‌ێ به‌ش هه‌رێم كوردستان له‌ پرووژه‌ ياساى بودجه‌ى ناوه‌ندى يه‌كلاوه‌ بكه‌ن.

 

له‌ى باوه‌ته‌و، عه‌ره‌فات كه‌ره‌م سه‌رۆك فراكسيۆن پارت ديموكرات كوردستان له‌ ئه‌نجومه‌ن نوێنه‌ره‌يل ئه‌را ماڵپه‌ڕ فه‌رمى پارته‌گه‌ وت: ئه‌ندامه‌يل كورد له‌ ليژنه‌ى دارايى دانيشتنيگ وه‌ل وزاره‌ت دارايى عراقى ساز ئه‌كه‌ن له‌باره‌ێ به‌ش هه‌رێم كوردستان له‌ بودجه‌ى گشتى عراقى وه‌ ئامانج ره‌سين ئه‌را ريككه‌فتن و باوه‌ڕمانيش ئه‌وه‌سه‌ به‌ش هه‌رێم ته‌رخان بكريه‌ێد وه‌ گووره‌ى ريژه‌ێ مه‌ردم نه‌ك ريژه‌ى 12%.

 

جى باسه‌، كه‌ره‌م هه‌ميش وت: سه‌رۆك ئه‌نجومه‌نيش له‌ په‌يوه‌ندييگ ته‌له‌فۆنى داوا له‌ليم كردگه‌ به‌شدارى بكه‌م له‌ دانيشتتنه‌گه‌ ئه‌را خوه‌نينه‌وه‌ى دويه‌م پرووژه‌ ياساى بودجه‌و ده‌نگداين له‌بانى و ئيمه‌يش له‌لايه‌ن خوه‌مانه‌و جه‌خت ئه‌راێ كرديم ك ئه‌گه‌ر ره‌سيمنه‌ ريككه‌فتنيگ وه‌ل وزاره‌ت دارايى ئه‌و وه‌خته‌ به‌شدارى له‌ دانيشتن ئه‌كه‌يم و ده‌نگ له‌بان پرووژه‌ ياسا ئه‌كه‌يم، وه‌نا ده‌نگ نايه‌يم له‌ به‌رژه‌وه‌ندى پرووژه‌گه‌.