هــــه‌واڵ عــیراق
تاونسند جه‌نگ موسڵ وه دريژترين جه‌نگ تاريف كرد

تاونسند جه‌نگ موسڵ وه دريژترين جه‌نگ تاريف كرد


شه‌فه‌ق نيوز/ جه‌نراڵ ستيفن تاونسند ك دويه‌كه‌ ئه‌ركى جوور سه‌ركرده‌ێ هاوپه‌يمان ناوده‌وڵه‌تى دژ ريكخرياگ ترۆريستى داعش ته‌مام بوێ، وت: جه‌نگ ئازادكردن موسڵ له‌ژير ده‌سڵات داعش دريژترين جه‌نگيگ بويه‌ ك به‌شدارێ له‌تى كردمه‌ وه‌ دريژايى مێژوو سه‌ربازييم.

 

تاونسند له‌ ديمانه‌يگ وه‌ل گووڤار تايم، داعش وه‌ كوشيان مه‌ده‌نيه‌يل فريه‌يگ له‌ى جه‌نگه‌يل دوياخره‌ تومه‌تبار كرد و ئه‌وه‌ ده‌رخست ك ئه‌و ريكخرياگ ترۆريستيه‌ ده‌يان هه‌زار كه‌س جوور قه‌ڵغان به‌شه‌رێ له‌ جه‌نگ موسڵ هاوده‌سه‌ كار و خسته‌سانه‌ ناو باڵه‌خانه‌يل مينڕيژكرياێ و بوينه‌سه‌ قوربانى.

 

جى باسه‌، تاونسند ئاماژه‌ وه‌ كه‌فتنه‌وه‌ێ مه‌ده‌نيه‌يل فريه‌يگيش كرد له‌ مه‌يدانه‌يل جه‌نگ و وت: له‌ حاڵه‌تيگ ئه‌گه‌ر چه‌كداره‌يل داعش خوه‌يان ته‌سليم بكه‌ن شايه‌ت كوشتار مه‌ده‌نيه‌يل كه‌متره‌و بدێ.