هــــه‌واڵ كــوردى
ئه‌را يه‌كمجاره‌.. شماره‌يگ ئافره‌ت داعشى له‌ سلێمانى ده‌سگير كريان

ئه‌را يه‌كمجاره‌.. شماره‌يگ ئافره‌ت داعشى له‌ سلێمانى ده‌سگير كريان


شه‌فه‌ق نيوز/ هيزه‌يل ئاسايش له‌ سلێمانى تويه‌نست دو گرووپ تيرۆيستى ئافره‌ت سه‌ر وه‌ ريكخرياگ داعش ده‌سگير بكا، ك يه‌يش ئه‌را يه‌كه‌مجاره‌ ئيچنه‌ كاريگ روێ بيه‌ێد و ده‌سگير بكريه‌ن.

 

له‌ى باوه‌ته‌و، ته‌له‌فزيۆن "گه‌لى كوردستان" هه‌واڵيگ وێنه‌يى بڵاو كرد و له‌تى ئاماژه‌ وه‌ ئه‌وه‌ كرد شماره‌يگ ئافره‌ت سه‌ر وه‌ داعش سه‌قامگيرى شاره‌گه‌ گرتنه‌سه‌ ئامانج، وه‌لێ ده‌زگاێ ئاسايشى تويه‌نست ده‌سگيريان بكاو باس له‌وه‌يش كرد ك ئى ئافره‌ته‌يله‌ پلان ئه‌را كرايه‌كردن باخيگ له‌ ناوچه‌ى سيته‌ك دانانه‌ تا له‌وراوه‌ خه‌يكوشه‌يل بتويه‌نن بانه‌ ناو شار سلێمانى و كاره‌يل ترۆريستى ئه‌نجام بيه‌ن.

 

جى باسه‌، ته‌له‌فزيۆن ناوبرياێ هه‌ميش وت: ئاسايش سلێمانى تويه‌نستگه‌ ئه‌و ئافره‌ته‌يل سه‌ر ه‌ داعشه‌ ئاشكرا بكاو ئاشكراى شانه‌يل خه‌فتگ سه‌ر وه‌و ريكخرياگيشه‌ بكاو ئه‌ندامه‌يليشى ده‌سگير بكا.