هــــه‌واڵ كــوردى
وه‌زير ته‌ندروسى عراقى داواى بڕين به‌ش هه‌رێم كوردستان له‌ ده‌رمان كرد ‌

وه‌زير ته‌ندروسى عراقى داواى بڕين به‌ش هه‌رێم كوردستان له‌ ده‌رمان كرد ‌


شه‌فه‌ق نيوز/ ماڵپه‌ڕ پارت ديموكرات كوردستان ئه‌وه‌ ده‌رخست ك وه‌زير ته‌ندروسى عراقى پيشنياريگ پيشكه‌ش كردگه‌ ئه‌را بڕين به‌ش هه‌رێم كوردستان له‌ ده‌رمان.

 

ماڵپه‌ڕه‌گه‌ له‌ زووان عه‌ره‌فات كه‌ره‌م سه‌رۆك فراكسيۆنه‌گه‌ى له‌ ئه‌نجومه‌ن نوێنه‌ر عراقى ك (شه‌فه‌ق نيوز) ئاگادارى بوى وت: وه‌زير ته‌ندروسى عراقى پيشنياريگ پيشكه‌ش كرده‌سه‌ ئه‌نجومه‌ن وه‌زيره‌يل و له‌ى داواى بڕين به‌ش هه‌رێم كوردستان له‌ ده‌رمان و هه‌وه‌جه‌يل پزيشكى كردگه‌و وتگه‌: مادام حكومه‌ت هه‌رێم نه‌فت ته‌سليم وه‌ حكومه‌ت ناوه‌ندى ناكا منيش ئى پيشنياره‌ پيشكه‌ش ئه‌كه‌م تا به‌ش هه‌رێم له‌ ده‌رمان له‌ بودجه‌ بووڕيه‌ێد.

 

جى باسه‌، عه‌ره‌فات كه‌ره‌م هه‌ميش وت: له‌ى باره‌وه‌ گفتگوو وه‌ل فراكسيۆنه‌يل تر كوردستانى كرديمنه‌ و ليژنه‌ى ته‌ندروسى په‌رلمانى دانيشتنيگ ساز ئه‌كا وه‌ل وه‌زير ته‌ندروسى و ئيمه‌ى ئه‌ندامه‌يل فراكسيۆنه‌يليش وه‌ ته‌مامى ئيچنه‌ ڕى وشوونيگ و بڕين به‌ش هه‌رێم له‌ ده‌رمان ره‌ته‌و ئه‌كه‌يم.