هــــه‌واڵ عــیراق
عراقييگ هه‌وه‌جه‌ وه‌ دروسكردنه‌وه‌ى ره‌گه‌زێ ديرێد

عراقييگ هه‌وه‌جه‌ وه‌ دروسكردنه‌وه‌ى ره‌گه‌زێ ديرێد


شه‌فه‌ق نيوز/ وه‌زاره‌ت ناوخوه‌يى عراقى گرته‌يگ ڤيديۆيى ئه‌را هاووڵاتييگ عراقى بڵاو كرد ك هه‌وه‌جه‌ وه‌ دروسكردنه‌وه‌ى ره‌گه‌زێ ديرێد و مه‌ينه‌تى خوه‌ى باس ئه‌كا له‌ ديدارى وه‌هاب تائى راوێژكار وه‌زير ناوخوه‌يى.

 

ئى هاووڵاتيه‌ باس له‌ كيشه‌ى بيلۆجى ئه‌كا وه‌بى ده‌ركه‌فتن روخسارى و ئويشێد: من ئاڵشتكارى ره‌گه‌زى نه‌كردمه‌و ناخوازم ئه‌و كارييشه‌ بكه‌م، من ئه‌خوازم ره‌گه‌زم دروسه‌و بكه‌ن چوينكه‌ هۆرمۆن ئونسه‌وى فريه‌يگ ديريم.

 

جى باسه‌، وه‌زاره‌ت ناوخوه‌يى عراقييش جوور ئه‌وه‌گ له‌ ڤيديۆگه‌ ده‌ركه‌فتگه‌، قه‌وڵ چاره‌سه‌ر كيشه‌گه‌ى و ئاڵشتكردن ناوه‌گه‌يشى دا له‌وه‌ر ده‌سميه‌تداينى له‌و حاڵه‌ته‌، ئه‌و هاووڵاتييشه‌ وه‌بى ئاشكراكردن ناوى يا ناسنامه‌ى كار له‌ ده‌زگايگ گرنگ ئه‌كا وه‌ناونيشان وه‌ڕيه‌وبه‌ر ژماريارێ.