هــــه‌واڵ جیــهانى
ئه‌نجومه‌ن هه‌ماهه‌نگى كه‌نداو: بايه‌سه‌ له‌بان ئيران 5 خاڵ جيوه‌جێ بكا

ئه‌نجومه‌ن هه‌ماهه‌نگى كه‌نداو: بايه‌سه‌ له‌بان ئيران 5 خاڵ جيوه‌جێ بكا


شه‌فه‌ق نيوز/ عه‌بدوله‌تيف زيانى ئه‌ميندار گشتى ئه‌نجومه‌ن هه‌ماهه‌نگى كه‌نداو، جه‌خت له‌وه‌ كرد ك په‌نج خاڵ هه‌س بايه‌سه‌ له‌بان ئيران جيوه‌جييان بكا ئه‌گه‌ر ئاسايش ناوچه‌گه‌ گرنگه‌ له‌لايه‌و.

 

زيانى له‌ وته‌يگى له‌ خول دويه‌م كۆڕبه‌ندى به‌يروت ك شه‌فه‌ق نيوز ئاگادارى بوى، وت: بايه‌سه‌ له‌بان ئيران جيوه‌جى په‌نج داواكارى بكا ك پيكهاتنه‌ له‌ ته‌مامكردن دوسيه‌ى ئه‌تۆمى له‌ڕوێ وشكانن و چه‌وديرێ و ماوه‌ى كووتاييهاتن ريككه‌فتنه‌گه‌و مووشه‌ك باليستى نه‌ياده‌ تيرۆريسته‌يل و ريز و حورمه‌ت له‌ بڕياره‌يل ئه‌نجومه‌ن ئاسايش بگرێد و ده‌خاڵه‌ت له‌ كاروبار ده‌وڵه‌ته‌يل هاوسا نه‌كاو پشتگيرى له‌ كاره‌يل تيرۆريستى نه‌كا.

 

زيانى هه‌ميش وت: ئه‌گه‌ر ئيران ئى خاڵه‌يله‌ جيوه‌جى بكا ئه‌وه‌ ناوچه‌گه‌ ئه‌كه‌فێده‌ ئه‌مان و جه‌هانيش هه‌وه‌جه‌ وه‌ سه‌قاگيرى ديرێد.