هــــه‌واڵ عــیراق
جه‌نگيگ سه‌خت عه‌شايرى له‌ خوه‌رهه‌ڵات به‌غدا روێدا

جه‌نگيگ سه‌خت عه‌شايرى له‌ خوه‌رهه‌ڵات به‌غدا روێدا


شه‌فه‌ق نيوز/ سه‌رچه‌وه‌يگ وه‌رپرس ئه‌منى و شايه‌تحاڵه‌يل باس له‌وه‌ كردن ك جه‌نگيگ سه‌خت چه‌كدارى له‌ شار سه‌در روێداگه‌ له‌ خوه‌رهه‌ڵات به‌غداى پايته‌خت.

 

ئه‌و سه‌رچه‌وه‌و شايه‌تحاڵه‌يله‌ ئه‌را شه‌فه‌ق نيوز وتن: له‌و جه‌نگ سه‌خت عه‌شايريه‌ ك ئمڕوو ده‌مه‌و شه‌وه‌كى بويه‌ له‌ قه‌تاع 27 له‌ شار سه‌در له‌ناونى رووڵه‌يل يه‌ك هووز "ئه‌لحمران ئه‌لبو محه‌مه‌د " چه‌ك ره‌شاش وه‌كار هاورياگه.‌

 

باس له‌وه‌يش كردن ك ئه‌و جه‌نگه‌ تازه‌وه‌ كرياگه‌ له‌ناونى مه‌ردم قه‌تاعه‌گه‌و ناوچه‌يل نزيك له‌لى، ئه‌ويش له‌وه‌ر ته‌قه‌كردن فريه‌يگ هه‌ڕه‌مه‌كى و دوياخريش هيزه‌يل ئه‌منى ره‌سينه‌سه‌ شوونه‌گه‌ ئه‌را وساننه‌وه‌ى ئه‌و جه‌نگه‌.