هــــه‌واڵ عــیراق
ته‌قينه‌وه‌يگ له‌ نزيك دادگاى رومادى شماره‌يگ هاووڵاتى زه‌خمدار كرد

ته‌قينه‌وه‌يگ له‌ نزيك دادگاى رومادى شماره‌يگ هاووڵاتى زه‌خمدار كرد


شه‌فه‌ق نيوز/ شماره‌يگ هاووڵاتى له‌ئاكام ته‌قينه‌وه‌ى مينيگ له‌چاڵنرياێ له‌ نزيك دادگاى رومادى له‌ پاريزگاى ئه‌نبار زه‌خمار بوين.

 

له‌ى باوه‌ته‌و، ناوه‌ند ره‌سانن ئاسايشى، له‌ به‌ياننامه‌يگ وت: په‌لاماريگ تيرۆريستى له‌ڕێ مينيگ له‌چاڵنرياێ ك نرياوێده‌ ژير سه‌ياره‌يگ له‌ وه‌رانوه‌ر دادگاى رومادى بويه‌سه‌ هووكار زه‌خمداركردن شماره‌يگ له‌ هاووڵاتيه‌يل جوور زانياريه‌يليگ سه‌ره‌تايى له‌بان ئه‌و روێداگه‌.

 

جى باسه‌، ريكخرياگ ترۆريستى داعش هيمان مقه‌يه‌تى له‌ شانه‌يل خه‌فتگى ئه‌كا له‌ وڵاته‌گه‌و خه‌ريكه‌ كه‌مه‌ كه‌مه‌ ئه‌ياده‌و ئه‌را بان شيوازه‌ كويه‌نه‌گه‌ى له‌ په‌لامارداين له‌ناكاو له‌بان شيواز جه‌نگ چه‌ته‌يل ك وه‌رجه‌ ساڵ 2014 په‌يڕه‌وێ كردياد.