هــــه‌واڵ عــیراق
كۆمكار عه‌ره‌بى وه‌رپرسيگ عراقى تومه‌تبار وه‌ گه‌ناته‌كارێ له‌ پۆست باڵايگ دامه‌زران

كۆمكار عه‌ره‌بى وه‌رپرسيگ عراقى تومه‌تبار وه‌ گه‌ناته‌كارێ له‌ پۆست باڵايگ دامه‌زران


شه‌فه‌ق نيوز/ وزاره‌ت خارجيه‌ى عراقى، ئاشكراى دامه‌زرانن سه‌فائه‌دين ئه‌لسافى وه‌زير وه‌رين بارزگانى كرد ئه‌را وه‌رگرتن پۆست ئه‌ميندار گشتى ده‌سميه‌تده‌ر كۆمكار عه‌ره‌بى.

 

له‌ى باوه‌ته‌و، ئه‌حمه‌د مه‌حجوب قسه‌كه‌ر فه‌رمى وه‌ناو وزاره‌ت خارجيه‌ له‌ به‌ياننامه‌يگ ئه‌را شه‌فه‌ق نيوز وت: دامه‌زرانن ئه‌لسافى له‌و پۆسته‌ دواى ئاگاداربوين ئه‌نجومه‌ن كۆمكار هاتگه‌ له‌بان ئاست وزارى وه‌گووره‌ى ياداشت نوێنه‌رايه‌نى هه‌ميشه‌يى كۆمار عراق شماره‌ ٣/ج/٥/ ١٥٥٢ له‌ ريككه‌فت 4/ 3 / 2018 وه‌گووره‌ى ماده‌ى 12 له‌ ده‌ستوور كۆمكار و ماده‌ى 9 له‌ سيسته‌م بنه‌ڕه‌تى كارمه‌نده‌يل و وه‌گووره‌ى هه‌وڵه‌يل فره‌ێ وزاره‌ت خارجيه‌ى عراقى وه‌هاوكارى وه‌ل ئه‌ميندارێتى ئه‌نجومه‌ن وه‌زيره‌يل ئه‌را ره‌سين وه‌ى پۆست باڵا له‌ كۆمكار عه‌ره‌بى.

 

جى باسه‌، ئاماژه‌ وه‌يه‌يش ئه‌كريه‌ێد ك ئه‌لسافى تومه‌تباره‌ وه‌ هاوردن 258 هه‌زار ته‌ن له‌ چاى خراو، ك ماده‌ى سه‌ره‌تانى له‌تى بويه‌ ئه‌را بازاڕه‌يل ناوچه‌يى له‌ به‌غداى پايته‌خت هه‌ناى ك وه‌زير بازرگانى بويه‌ وه‌ وكاله‌ت.