هــــه‌واڵ عــیراق
نه‌ته‌وه‌يل يه‌كگرتگ ده‌سميه‌ت پيشكه‌ش وه‌ قوربانيه‌يل لافاو ئه‌كا له‌ عراق

نه‌ته‌وه‌يل يه‌كگرتگ ده‌سميه‌ت پيشكه‌ش وه‌ قوربانيه‌يل لافاو ئه‌كا له‌ عراق


شه‌فه‌ق نيوز/ نه‌ته‌وه‌يل يه‌كگرتگ و هاوبه‌شه‌يل له‌ بوار ده‌سميه‌ت ئنسانى ناوده‌وڵه‌تى و ناوچه‌يى ك په‌يوه‌ندێ وه‌ ئاژانسه‌يل تايبه‌تمه‌ند سه‌ر وه‌ حكومه‌ت عراق كردنه‌ له‌ پيشكه‌شكردن پشتگيرى ئه‌را ده‌يان هه‌زار قوربانى لافاوه‌يل تون ك روێ له‌ شماره‌يگ له‌ ناوچه‌يل عراق كردگه‌ له‌ هه‌ردوگ پاريزگاى سه‌ڵاحه‌دين و نه‌ينه‌وا.

 

له‌ى باوه‌ته‌و، ريكخه‌ر كاروبار ئنسانى له‌ نه‌ته‌وه‌يل يه‌كگرتگ له‌ عراق وت: نه‌ته‌وه‌يل يه‌كگرتگ ها له‌يرا جوور هه‌ميشه‌ ئه‌را دابينكردن پشگيرى ئه‌را حكومه‌ت و ده‌سڵاته‌يل وڵاته‌گه‌ له‌ مه‌سه‌له‌ى پيشكه‌شكردن ده‌سميه‌ت ئه‌را هاووڵاتيه‌يلى.

 

جى باسه‌، قه‌وڵ ئه‌وه‌يش دا نه‌ته‌وه‌يل يه‌كگرتگ وه‌ وه‌رده‌وام پشتگيرى له‌ حاڵه‌ته‌يل له‌ناكاو بكا و وت: ئيمه‌ ئى حاڵه‌ته‌ له‌وه‌رچه‌و ئه‌گرێم تا بزانيم چوين بتويه‌نيم ده‌سميه‌ت حكومه‌ت عراق بيه‌ێم له‌ وه‌رانوه‌ر ئه‌و لافاوه‌يله‌ ك روێ له‌ ناوچه‌يلێ كردگه‌.