هــــه‌واڵ كــوردى
پارتى هه‌ڵويستى له‌ بڕياره‌يل دادگا ده‌رباره‌ێ هه‌ڵوژاردنه‌يل نيشاندا

پارتى هه‌ڵويستى له‌ بڕياره‌يل دادگا ده‌رباره‌ێ هه‌ڵوژاردنه‌يل نيشاندا


شه‌فه‌ق نيوز/ سه‌ركرده‌يگ له‌ پارت ديموكرات كوردستان، ئاشكراى كرد و وت: هه‌رچه‌نى تێبينيه‌يل فريه‌يگ هه‌ن له‌لامان له‌باره‌ى ئاكامه‌يل هه‌ڵوژاردن و هساو نه‌كردن ده‌نگه‌يل فريه‌يگ و شزانن ده‌نگ ئاواره‌يل، وه‌لێ دوياى په‌سه‌نكردن ئاكام هه‌ڵوژاردنه‌يل له‌لايه‌ن دادگاى ناوه‌نديه‌و بايه‌سه‌ له‌بان گشت لايه‌نه‌يل پابه‌ند بوون وه‌ بڕياره‌يل دادگا.

 

ئه‌شواق جاف ئه‌ندام وه‌رين له‌ ئه‌نجومه‌ن نوێنه‌ره‌يل عراقى له‌ لێدوانه‌يليگ ئه‌را ماڵپه‌ڕ پارته‌گه‌ى وت: ناڕه‌زايه‌تى فريه‌يگ بويه‌ له‌بان ئاكام هه‌ڵوژاردنه‌يل، ك وه‌گووره‌ى ياساو ده‌ستووريش بايه‌س بوێ چاره‌سه‌ر ئه‌را ئه‌و ناڕه‌زايه‌يله‌ په‌يا بكرياتاد وه‌ گووره‌ى ياساى هه‌ڵوژاردنه‌يل له‌ 2018.

 

جى باسه‌، جاف هه‌ميش وت: ئيسه‌يش ئاكامه‌يل ده‌ركه‌فتن و هه‌ناى ك له‌لايه‌ن دادگاى ناوه‌نديه‌و په‌سه‌ن كريا دى بايه‌سه‌ له‌بان گشت لايه‌نه‌يل پابه‌ند بوون وه‌پيه‌و، يه‌يش ماناى ئه‌وه‌سه‌ ته‌نانه‌ت ئه‌گه‌ر دادگايش ئه‌و ئاكامه‌يله‌ ره‌ته‌و بكردياد هه‌م بايه‌سه‌ بوێ لايه‌نه‌يل پابه‌ند بوياتان وه‌پيه‌و ك هه‌رچه‌نى بڕيگ تێبينييش وجوود داشتگه‌ له‌لايه‌ن پارت ديموكرات كوردستانه‌و، وه‌لێ وه‌گووره‌ى ده‌ستوور عراقى بڕياره‌يل دادگا يه‌كلاكه‌ره‌.