هــــه‌واڵ عــیراق
بكوشه‌يل پزيشكه‌ مه‌سيحيه‌گه‌و خيزانه‌گه‌ێ له‌ به‌غدا ئاشكرا كريان

 بكوشه‌يل پزيشكه‌ مه‌سيحيه‌گه‌و خيزانه‌گه‌ێ له‌ به‌غدا ئاشكرا كريان


شه‌فه‌ق نيوز/ دادگاى په‌يجوورى كه‌رخ تايبه‌ت وه‌ كيشه‌يل تيرۆر له‌ به‌غدا ئيفاده‌ى تومه‌تباره‌يليگ وه‌رگرت ك تاوان كوشتن دكتۆر هاشم شه‌فيق سلێمان و خيزانه‌گه‌ى له‌ به‌غدا ئه‌نجام دانه‌.

 

له‌ى باوه‌ته‌و، دادوه‌ر عه‌بدولستار به‌يره‌قدار قسه‌كه‌ر فه‌رمى وه‌ناو دادگاى باڵا وت: دادگاى په‌يجوورى كه‌رخ تايبه‌ت وه‌ كيشه‌يل تيرۆر له‌ به‌غدا ئيفاده‌ى ئه‌و تومه‌تباره‌يله‌ وه‌رگرتگه‌ ك تاوان كوشتن دكتۆر هاشم شه‌فيق سلێمان و خيزانه‌گه‌ى له‌ ناوچه‌ى مه‌شته‌ل له‌ به‌غدا ئه‌نجام دانه‌.

 

به‌يره‌قدار وت: ره‌سين ئه‌را ئه‌و تاوانباره‌يله‌ له‌ڕێ به‌ڵگه‌يليگ بويه‌ ك له‌لايه‌ن ده‌زگاى ئاسايش نيشتمانيه‌و پيشكه‌ش وه‌ دادگاى تايبه‌ت وه‌ كيشه‌يل تيرۆر كرياگه‌ له‌ كه‌رخ و باس له‌وه‌يش كرد ك ئه‌و تومه‌تباره‌يله‌ پيكهاتنه‌ له‌ چوار كه‌س ك له‌10ى مانگ ئادار گوزه‌يشت چينه‌سه‌ ناو ماڵ دكتۆر هشام شه‌فيق و خوه‌ى و خيزانه‌گه‌ى و داڵگى  وه‌ چه‌قوو كوشتنه‌و بڕيگ پويل و ته‌ڵاو چشته‌يل گرانقيمه‌تيان بردنه‌.