هــــه‌واڵ كــوردى
وه‌رپرسيگ كورد: راپرسى كووتايى حكايه‌ته‌گه‌ نيه‌و ئه‌مريكايش تويه‌نێد رۆڵ پاك داشتوود

وه‌رپرسيگ كورد: راپرسى كووتايى حكايه‌ته‌گه‌ نيه‌و ئه‌مريكايش تويه‌نێد رۆڵ پاك داشتوود


شه‌فه‌ق نيوز/ فه‌لاح مسته‌فا سه‌رۆك ده‌زگاێ په‌يوه‌نديه‌يل خارجى له‌ حكومه‌ت هه‌رێم كوردستان، ئه‌وه‌ ده‌رخست ك راپرسى نادێده‌ كووتايى حكايه‌ته‌گه‌و سه‌روه‌خوه‌يى هه‌رێم هه‌وه‌جه‌ وه‌ دانيشتن ئه‌كا وه‌ل حكومه‌ت ناوه‌ندێ له‌ به‌غدا.

 

مسته‌فا له‌ باوه‌تيگ ك رووژنامه‌ێ واشنتۆن پۆست بڵاوێ كرد له‌ژير ناونيشان"دانيشتن له‌بان به‌شكردن دووسانه‌"وت: بايه‌سه‌ له‌ وه‌رجه‌ ئعلانكردن سه‌روه‌خوه‌يى كوردستان ڕى وشوونه‌يل تر له‌وه‌ر بگريه‌ێد بيجگه‌ راپرسى و دانيشتنيش وه‌ل به‌غدا كار خواستيگه‌و ئه‌مريكايش رۆڵ يه‌كلاكه‌ر نه‌يرێد و ئه‌تويه‌نێد رۆڵ وه‌سيت پاكێگ بياشتوود.

 

جى باسه‌، مسته‌فا هه‌ميش وت: ئه‌مريكا ئه‌تويه‌نێد زه‌مانه‌ت ئه‌وه‌ بكا ك دانيشتن دادگه‌رانه‌ و به‌رهه‌مدار بدێ و خاسترين به‌رهه‌ميگ ئه‌را هه‌ردوگلا باێده‌ ده‌س و جه‌ختيش له‌بان سه‌قامگيرى عراق كرد ك له‌ به‌رژه‌وه‌ندێ گشتلايگ ئه‌دێ.