هــــه‌واڵ عــیراق
حه‌كيم باس رۆڵ فه‌يليه‌يل كرد له‌ بنياتناين عراق و قه‌وڵ چاره‌سه‌ر كيشه‌يليان دا

حه‌كيم باس رۆڵ فه‌يليه‌يل كرد له‌ بنياتناين عراق و قه‌وڵ چاره‌سه‌ر كيشه‌يليان دا


شه‌فه‌ق نيوز/ عه‌مار حه‌كيم سه‌رۆك هاوپه‌يمان نيشمانى له‌ نويسينگه‌ى خوه‌ى له‌ به‌غدا له‌ ديدارى وه‌ل شانديگ له‌ كورده‌يل فه‌يلى باس له‌ مه‌ينه‌تى ئى پيكهاته‌ كرد وه‌ده‌س ئه‌و ياسايه‌يليه‌و ك هيمان ده‌رهه‌قيان په‌يڕه‌و ئه‌كريه‌ێد و نواگيرن له‌ وه‌رگرتنه‌وه‌ى مافه‌يليان و ماف شه‌هيده‌يل و داواكاريه‌يل موڵكدارييان.

 

حه‌كيم باس له‌وه‌يش كرد ك هاوپه‌يمان نيشتمانى مه‌سه‌له‌ى داواكاريه‌يل كورد فه‌يلى وه‌ جددى وه‌رئه‌گرێد و كار له‌بان ناوه‌ڕووك ئه‌و داواكاريه‌يله‌ ئه‌كريه‌ێد و ئه‌خريه‌ێده‌ چوارچيوه‌ى ياسا ئه‌را ئه‌وه‌گ مه‌ينه‌تى له‌بانيان لاوريه‌ێد.

 

جى باسه‌، حه‌كيم هه‌ميش وت: كورده‌يل فه‌يلى له‌ دولاوه‌ گيريانه‌سه‌ ئامانج، يه‌كه‌ميان له‌لايه‌ن نه‌ته‌وه‌و دويه‌ميش له‌لايه‌ن مه‌زه‌وى و له‌ هه‌مان وه‌خت ئاماژه‌يش وه‌ رۆڵ كورده‌يل فه‌يلى كرد له‌ جمشت ئسلامى و بنياتناين عراق و قوناغ روى وه‌ڕوى بوينه‌وه‌ى ترۆريش.