هــــه‌واڵ عــیراق
بۆتين داوا له‌ خوه‌رئاوا ئه‌كا په‌يجورى له‌ روێداگ شاريگ عراقى بكه‌ن

بۆتين داوا له‌ خوه‌رئاوا ئه‌كا په‌يجورى له‌ روێداگ شاريگ عراقى بكه‌ن


شه‌فه‌ق نيوز/ فلاديمير بۆتين سه‌رۆك روسى، داوا له‌ ده‌وڵه‌ته‌يل خوه‌رئاوا كرد په‌يجورى له‌و په‌لاماره‌يله‌ بكه‌ن له‌بان هاووڵاتيه‌يل مه‌ده‌نى له‌لايه‌ن هيزه‌يل هاوپه‌يمان ناوده‌وڵه‌تى وه‌ سه‌رۆكايه‌تى واشنتۆن له‌ هه‌ر يه‌ك له‌ شاره‌يل موسڵ عراقى و ڕقه‌ له‌ سوريا دوياى ئازادكردنيان له‌ داعش.

 

له‌ى باوه‌ته‌و، تووڕ "ئێن بى سى" له‌ زووان بۆتين وت: بنوڕنه‌ شار موسڵ گشت چشتيگى ويران كرياگه‌و شار رقه‌يش وه‌هه‌مان شيوه‌و تائيسه‌يش ته‌رمه‌يليگ هه‌ن كه‌فتنه‌سه‌ ژير ويرانه‌و ده‌فن نه‌كريانه‌و ئيوه‌ ناخوازين باس ئه‌و كاره‌يله‌ بكه‌ين.

 

جى باسه‌، بۆتين داوايش له‌ ده‌وڵه‌ته‌يل خوه‌رئاوايش كرد په‌يجورى له‌باره‌ى په‌لاماره‌يل هاوپه‌يمان ناوده‌وڵه‌تى واز بكه‌ن ئه‌را بان مه‌ده‌نيه‌يل له‌ هه‌ر يه‌ك له‌ شاره‌يل موسڵ عراقى و رقه‌ێ سورى و هه‌ميش وت: ئه‌و ته‌رمه‌يليشه‌ ك هانه‌ ژير ويرانه‌ له‌ئاكام بوردمانه‌يل هه‌ڕه‌مه‌كێ ئه‌را بان ناوچه‌يل نيشه‌جى بايه‌سه‌ ده‌فن بكريه‌ن.